Ձեր վստահելի աղբյուրը

ՄԱԿ-ում Իրանի մշտական ներկայացուցչությունը հայտարարել է, որ Թեհրանը մտադիր չէ արտասահմանում վերացնել իր քաղաքական հակառակորդներին: Հայտարարությանն անդրադարձել է ՏԱՍՍ-ը։

«Իրանի Իսլամական Հանրապետությունը ոչ մտադրություններ ունի, ոչ էլ պլանավորում է մարդկանց ոչնչացնելու կամ առևանգելու գործողություններ իրականացնել՝ լինի դա Արևմուտքում, թե որևէ այլ երկրում»,-դիվանագիտական առաքելության հայտարարությոնն է մեջբերել IRNA գործակալությունը:

Ինչպես նշել է մշտական առաքելությունը, ամերիկյան քաղաքական գործիչների դեմ իբր սպանություններ իրականացնելու Իրանի պլանների մասին պնդումները տարածվում են Իսրայելի, արևմտյան և ԱՄՆ հետախուզական ծառայությունների, ինչպես նաև «Մուջահիդին-է Խալք» արմատական ընդդիմադիր խմբավորման (Մուջահիդների կազմակերպություն) կողմից, որը Թեհրանի կողմից ճանաչվում է որպես ահաբեկչական։

Սեպտեմբերի 11-ին ԱՄՆ արդարադատության նախարարությունը պակիստանցի Ասիֆ Մերչանտին մեղադրանք է առաջադրել ԱՄՆ-ի անանուն պաշտոնյայի սպանության դավադրության մեջ: Գործակալությունը պնդում է, որ Պակիստանի քաղաքացին «սերտ կապեր ունի Իրանի հետ»։ Նյու Յորքում նա, իբր, հանդիպել է մարդասպանների բանդայի հետ (իրականում՝ ամերիկյան հետախուզական ծառայությունների գաղտնի գործակալների)՝ նրանց նախապես տալով 5 հազար դոլար՝ Մերչանտին առաջարկել է վերացնել ամերիկյան «քաղաքական գործչին», որի անունը ենթադրվում էր, որ պակիստանցին պետք է ասեր օգոստոսի վերջին կամ սեպտեմբերի սկզբին՝ ԱՄՆ-ը լքելուց առաջ։ ՀԴԲ-ն Մերչանտին ձերբակալել է հուլիսի 12-ին։