Ձեր վստահելի աղբյուրը

Արդարադատության նախկին նախարար Հրայր Թովմասյանը դատական նիստի հերթական ընդմիջումից հետո դատավորին առաջարկեց նիստը շարունակել առանց լրագրողների։

«Լրագրողների հետ կապված ի՞նչ խնդիր կա»,-հետաքրքրվեց դատավոր Տաթևիկ Գրիգորյանը։

Թովմասյանն ասաց, թե ճնշման խնդիր ունի, ճնշումը 90/60 է։

«Միջնորդության կարիք չկա, դատարանի թույլտվությունը խնդիր չէ, լրագրողները ցանկացած պահի կարող են դադարեցնել նկարահանումները, 168.am-ի հետ ինչ-որ խնդիր ունե՞ք»,- ասաց դատավորը:

Թովմասյանն էլ արձագանքեց. «Ես ոչ մեկի հետ խնդիր չունեմ և բոլորի հետ խնդիր ունեմ, ի՞նչ է նշանակում խնդիր ունեմ»:

Դատավորն էլ արձագանքեց. «Շարունակեք ներկայացնել Ձեր պաշտպանական ճառը, լրագրողներն էլ ազատ են իրենց գործողություններում»:

Թովմասյանի պաշտպան Արամ Օրբելյանը միջնորդություն ներկայացրեց՝ առաջարկելով հենց այդ պահից նիստը շարունակվի դռնփակ։

«Առողջական ինչ-որ գաղտնիք կա՞»,-դատավորի այս հարցը բարկացրեց Թովմասյանին։

Օրբելյանն առաջարկեց՝ դատարանը չհրապարակայանցնի, թե ինչի հետ է կապված:

«Դռնփակ նիստ անցկացնելու հարցի քննարկումը ևս անցկացրեք դռնփակ, հարգելի՛ դատարան»,- խնդրեց Թովմասյանը:

Դատավոր Տաթևիկ Գրիգորյանը որոշեց դռնփակ սատական նիստում  քննարկել դռնփակ նիստ անցկացնելու միջնորդությունը, ներկա լրագրողներին  խնդրեց դուրս գալ։

Դատական նիստը շարունակվում է դռնբաց։