Ձեր վստահելի աղբյուրը

«Պետք է կարողանալ տարբերել իրականությունն ու այն, ինչ հայտնվում է մամուլում»,- Լոռու մարզում լրագրողների հետ զրույցում նման կարծիք հայտնեց  ՌԴ փոխվարչապետ Ալեքսեյ Օվերչուկը՝ պատասխանելով հայ-ռուսական հարաբերություններում քաղաքական դժվարությունների մասին հարցին։

Նրա խոսքով, մեդիա ֆոնը հաճախ բացասական է, բայց իրական պատկերն այլ տեսք ունի։

«Ինչի վրա պետք է ուշադրություն դարձնեք. կա լրատվամիջոցների ֆոն, որը հաճախ իսկապես բացասական է: Բայց կա իրական աշխարհ։ Այսօր մենք եկանք իրական երկաթգծով և տեսանք իրական աշխատանքը, որը կատարվել է: Մենք ունենք ապրանքաշրջանառության իրական աճ, ինչը վկայում է մեր երկրների միջև կապերի ամրապնդման մասին։ Եվրասիական տնտեսական միությունում Հայաստանի ներկայացուցիչների համար իրական աշխատանք կա»,- թվարկեց ՌԴ փոխվարչապետը։

«Մենք պետք է տարբերենք այն, ինչ տեղի է ունենում իրական աշխարհում, և այն, ինչ պարտադրվում է այս լրատվական տեղեկատվական օրակարգում, որը հաճախ չի համապատասխանում իրականությանը», - նշեց  Օվերչուկը։