Ձեր վստահելի աղբյուրը

Երևանի ընդհանուր իրավասության դատարանի կենտրոն նստավայրում դատավոր Տաթևիկ Գրիգորյանի նախագահությամբ ընթացող նիստում արդարադատության նախկին նախարար, ՍԴ դատավոր Հրայր Թովմասյանը մինչ ներկայացնում էր ճառը, դատավորն ընդհատեց նրան.

-Բավական է՝ աղավաղեք դատարանի խոսքը։
-Ես չեմ աղավաղում»,-արձագանքեց Թովմասյանը։



Կարճատև բանավեճից հետո Թովմասյանը շարունակեց խոսքը.

-2009-10-11 թվականներին շուկայում խոսում էին, որ այդ  տարածքը պատկանում է դատավոր Հրայր Թովմասյանին,-հիշեցրեց, որ ինքն մինչև 2015 թ. ոչ Հայաստանում, ոչ էլ այլ երկրում  դատավորի պաշտոն չի զբաղեցրել։



Այդ ընթացքում Թովմասյանի պաշտպան Արամ Օրբելյանը թղթի վրա ինչ-որ բան գրեց ու ցույց տվեց Թովմասյանին։ Դատավորն ուշադրություն հրավիրեց փաստին։

Թովմասյանն արձագանեց, գիտի, Օրբելյանը հիշեց, որ շուկայում իբր ասել են՝ «դատավոր, դատախազ Թովմասյանին է տարածքը պատկանում»։



«Խորոված սարքող Արտաշն ասում էր, որ շուկայում խոսում են։ Ժողովուրդ ջան, եթե շուկայում խոսալն է դարձել մեղադրականի հիմք, ապա էս երկրում մարդ չկա, որի մասին ոչ մի բան չեն խոսում։ Եթե էդ խոսելն է դառնալու հիմք, եկեք որոշենք, որ շուկայում խոսելն ապացուցողական նշանակություն ունի, ու ոչ ավել, ոչ պակաս, կարող է դրվել Սահմանադրական դատարանի նախագահի մեղադրականի հիմքում»,-ասաց Թովմասյանը։

Մանրամասները՝ տեսանյութում։