Օդանավակայանում վիճաբանություն է ծագել ուղևորի և ավիաընկերություններից մեկի երկու աշխատակցի միջև. Ոստիկանություն
ՆԳՆ Ոստիկանությունից հայտնում են․
«Սեպտեմբերի 18-իn, ժամը 16:15-ին ոստիկանության «Զվարթնոց» օդանավակայանի գծային բաժին հաղորդում է ստացվել, որ օդանավակայանի ստերիլ գոտում վիճաբանություն է:
Գծային բաժնի քրեական հետախույզները պարզել են, որ վիճաբանություն է ծագել Երևան-Մոսկվա չվերթի ուղևորի և ավիաընկերություններից մեկի երկու աշխատակցի միջև: Այդ ընթացքում նրանք փոխադարձ հարվածներ են հասցրել միմյանց, հայհոյանքներ հնչեցրել, ինչի պատճառով օդանավակայանի ստերիլ գոտում խաթարվել է բնականոն աշխատանքը:
Վիճաբանության երեք մասնակիցն էլ ձերբակալվել և կազմված փաստաթղթերի հետ ներկայացվել են քննչական բաժին:
Կատարվում է նախաքննություն»:
Հարակից հրապարակումներ`
- Զվարթնոցում կահույքի արտադրամասում հրդեհ է բռնկվել
- Զվարթնոց օդանավակայանում մարզասերները դիմավորում են Հայաստանի օլիմպիական հավաքականին. ՈւՂԻՂ