Ձեր վստահելի աղբյուրը

«Երկրորդ և երրորդ նախագահների թիմերն իշխանությունների վրա ճնշում էին գործադրում, թե ինչու ամեն ինչ չեք անում որպեսզի ԼՂ  բնակչությունը հնարավորինս արագ լքի Արցախը։   Բնականաբար, պատճառը մեկն է, որ ունենային 100 հազար, դրանից ավել կամ քիչ ցուցարար։ Այդ նպատակով, ինչ է իրենք այստեղ ունենային մի քանի հազար ավել ցուցարար, որը կարող էր փոքր ինչ ավելացնել իշխանությունը զավթելու իրենց հնարավորությունը, նրանք ողջունում էին այդ քայլերը և կազմակերպում այն»,- Արցախի հայաթափման մեղավորությունն ընդդիմությանը վերագրելու փարձ արեց Գևորգ Պապոյանը՝ պատասխանելով լրագրողների հարցին։

Նրա խոսքով Արցախի լուծարման հրամանը ստորագրել է Արցախի վերջին նախագահը՝ ընտրվելուց 15 օր անց և ՀՀ երկրորդ և երրորդ նախագահներն ու իրենց թիմերը ուրախությունից թռչկոտում էին։

Լրագրողները նկատեցին, որ Նիկոլ Փաշինյանն է ԱԺ ամբիոնից հայտարարել, թե 2018 թվականին պետք է ասեր, որ ԼՂ-ն Ադրբեջան է ու վերջ, և իշխանության էր եկել Արցախը հանձնելու համար, իսկ Գևորգ Պապոյանը Արցախի հանձնումը կապում է պալատական հեղաշրջման հետ, թե նրա հայաթափումից ՀՀԿ-ն ու Դաշնակցությունն ուրախացել են։

Պապոյանը հայտնեց թե լրագրողը ստում և մանիպուլյացիայի է ենթարկում հանրությանը

Նախարարի խոսքով՝ նախկին նախագահների բանակցություններն ընդամենն այն մաիսն է եղել, թե երբ և ինչպես է հանձնվելու Լեռնային Ղարաբաղը, բայց գալով Հայաստան՝ վարձել են գիտնականների և պալատական լրագրողների՝ ոչմիթիզականություն քարոզելու համար։

Պատասխանելով հարցին, թե արդյոք Պապոյանը կցանկանար, որ Արցախն անկախ լիներ՝ վերջինս պատասխանեց. «Ես շատ բան կուզեի, բայց չեմ ցանկանում մեր ցանկությունների մասին խոսել, չէի ուզենա մեր ցանկությունները դարձնել մեր քաղաքականության առաջնահերթույունը»։