Քո գնալու մասին ես լռելու եմ. Ավետը՝ Արա Մարտիրոսյանի մասին
Երգերի հեղինակ, հաղորդավար Ավետ Բարսեղայանն ինսթագրամի իր էջում լուսանկար է հրապարակել կյանքից վաղաժամ հեռացած երգիչ Արա Մարտիրոսյանի հետ ու գրել է.
««Քո գնալու մասին»
Ես չեմ խոսել քո գնալու մասին: Դասին, «ՀԱՄԱՏԱՐԱԾ ՎԻՇՏ» անունով, ներկա չեղա՝չեղարկելով քո մահը իմ ներսում:
Ես չեմ խոսում քո գնալու մասին, թարսին շիտակ չեմ գումարում այսօր:
Ու չեմ էլ խոսելու քո գնալու մասին, քանզի իմ խոսքը երգ պիտի դառնար սովորաբար քո շուրթերից, ուստի՝ եթե չկաս, խոսքեր չկան...
Այնքան ես նեղացած եմ քո սրտից, որ գլխավոր հերոս էի դարձրել երգերիդ մեջ՝ անվերջ գովերգելով զարկերն ուժեղ, իսկ նա խաբեց ինձ, կանգ առավ, թռավ «Վերևն» ընտրած ընկերներին միանալու:
Քո գնալու մասին ես լռելու եմ ...միշտ...»։
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: