Ձեր վստահելի աղբյուրը

«Մեր արժանապատվությունը և համայն հայության խաչն այսօր Արցախն է, որը գերեվարված է»,-  «Եռաբլուր» զինվորական պանթեոնում «Արցախի կանչը» հուշակոթողի հիմքի օծման՝ հիմնարկեքի արարողությանն ասաց Արցախի թեմի առաջնորդ Գերաշնորհ տեր Վրթանես եպիսկոպոս Աբրահամյանը:

Վրթանես Սրբազանը նշեց. «Այսօր ինքներդ մտածեք, թե ինչ է պետք Արցախը գերությունից ազատելու համար, որպեսզի նորից վերականգնվի հայի, քրիստոնյայի արժանապատվությունը: Իմ թիկունքին կանգնեցված է երկու դրոշ՝ Հայաստանի և Արցախի: Մենք ամեն ինչ պետք է անենք, որ Արցախի Հանրապետությունը ոչ միայն գոյություն ունենա, այլև կարողանա իրականացնել իր առաքելությունը: Ուստի ամեն ինչ պետք է անենք, որ Արցախի Հանրապետությունը Հայաստանում լինի լիարժեք՝ իր օրենսդիր ու գործադիր բոլոր կանոններով: Այս է միակ գերնպատակը, որպեսզի Արցախը տեսանելի լինի և Սփյուռքի, և միջազգային հանրության համար»։