Ձեր վստահելի աղբյուրը

«Երբ ձեր կառավարությունը նոր էր ձևավորվել՝ դուք խոստանում էիք ժողվորդի թիկունքի հետևում հարց չլուծել և ցանկացած հարց քննարկել ժողվորդի հետ»,-կառավարություն-ԱԺ հարցուպատասխանի ժամանակ ՆիկոլՓաշինյանին դիմեց «Հայաստան» խմբակցության պատգամավոր Արթուր Խաչատրյանը։

Անդրադառնալով խաղաղության գործընթացին՝ պատգամավորն ասաց, որ Նիկոլ Փաշինյանն ադրբեջանական կողմից կոչ է անում հայ ժողվորդից գաղտնի պահվող փաստաթղթից ծաղկաքաղ անել և այն ստորագրել։

 «Ճիշը չէ՞ր լինի, որ այդ 13 համաձայնեցված հոդվածները ներկայացնել հասարակությանը, պարզել՝ արդյոք վերջինս համաձայն է այդ պայմաններով թղթի ստորագրմանը և հետո նոր Ադրբեջանի հետ այդ թուղթը ստորագրել»,-ասաց Խաչատրյանը։

 Նա նաև խնդրեց այդ 13 կետի բովանդակությունը ԱԺ ամբիոնից ներկայացնել։

Նիկոլ Փաշինյանն ասեց, որ այդ 13 կետերի մասին խոսել է ասուլիսներում և հարցազրույցներում։

«Դա գաղտնիքի մասին չէ, այլ դիվանագիտական առումով կոռեկտ չէ»,-ասաց Փաշինյանը և մանրամասնեց, որ խոսքը գնում է դիվանագիտական հարաբերությունների,միմյանց տարածքային ամբողջականության ճանաչման, խաղաղության մոնիթորինգի և նման հարցերի մասին է։

«Խիստ տարակուսած եմ, որ կոռեկտության մասին եք խոսում այն մարդու մասին, ով կոռեկտ չէ, ոչ մեր ժողովրդի, ոչ էլ ձեր հանդեպ»,- ասաց Խաչատրյանը և հիշեցրեց, որ ժամանակին Փաշինյանը խախտել էր դիվանագիտական կոռեկտությունը և հրապարակել էև Կրակովյան սցենարը։

Փաշինյանը նշեց, որ եթե հրապարակի 13 կետերը ապա ադրբեջանական կաղմը այն կարող է առիթ դարձնել ստորագրումից հրաժարվելու համար։