Բորտնիկով. ՆԱՏՕ-ն ցանկանում է իր զորախումբը խաղաղապահների քողի տակ մտցնել Անդրկովկաս
«Արևմուտքը ձգտում է ՆԱՏՕ-ի անդամ երկրների ուժերից կազմված իր «խաղաղապահ» կոնտինգենտը մտցնել Անդրկաովկաս՝ իբր աջակցելու Երևանի և Բաքվի միջև հարաբերությունների կարգավորմանը»,-այս մասին հայտարարել է Ռուսաստանի անվտանգության դաշնային ծառայության տնօրեն Ալեքսանդր Բորտնիկովը ԱՊՀ անվտանգության գործակալությունների և հատուկ ծառայությունների ղեկավարների խորհրդի նիստում։
Նրա խոսքը փոխանցում է «ՏԱՍՍ» գործակալությունը։
«Ակնհայտ է, ամերիկացիներն ու եվրոպացիները հետաքրքրվեծ չեն Անդրկովկասում խաղաղության ու կայունության հաստատմամբ։ Երևանին համոզելով ձգձգել Բաքվի հետ բանակցությունները՝ Արևմուտքը փորձում է ղեկավարել ադրբեջանա-հայկական կարգավորման գործընթացը և հասնել տարածաշրջանում իր «խաղաղապահ» կոնտինգենտի տեղակայմանը դե յուրե ՄԱԿ-ի հովանու ներքո, դե ֆակտո՝ ՆԱՏՕ-ի»,-ասել է նա։
Շարունակելով խոսքը՝ Բորտնիկովն ասել է, նման «խաղաղապահության» հնարավոր բնույթը ցույց է տալիս, որ ԵՄ այսպես կոչված «անկախ» քաղաքացիական դիտորդական առաքելությունը, որը տեղակայված է Հայաստանի և Ադրբեջանի սահմանին, հետախուզական գործունեություն է իրականացնում ՆԱՏՕ-ի կոնկրետ երկրի շահերից ելնելով՝ ընդդեմ Ռուսաստանի և նրա գործընկերների։
Բացի այդ, ռուս պաշտոնյան հայտարարել է, որ «զենքի արտոնյալ մատակարարումների և անվտանգության երաշխիքների դիմաց Արևմուտքը ձգտում է, որ Հայաստանի կառավարությունը դուրս գա ՀԱՊԿ-ից, իսկ դա Երևանին ավելի մեծ կախվածության մեջ կդնի Հյուսիսատլանտյան դաշինքից Բաքվի հետ նրա հետագա հարաբերությունների հարցում»։
Լրահոս
Տեսանյութեր
Կասկադն աշխարհում ունիկալ կառույց է, իսկ այն, ինչ ուզում են անել, խայտառակություն է. Ճարտարապետ