Ձեր վստահելի աղբյուրը

«Այսօր երկու գործ ունենք հանձնելու դատախազությանը՝ միաժամանակ լավ հասկանալով, որ Հայաստանում որևէ պետական մարմին չի ծառայում պետության գերագույն շահին, այլ ծառայում են մեկ մարդու կամ քաղաքական իշխանությանը».-Գլխավոր դատախազության շենքի դիմաց հայտարարեց Սրբազան պայքարի առաջնորդ Բագրատ արքեպիսկոպոս Գալստանյանը։

Նրա խոսքով, հակառակ դեպքում իրավապահ մարմինների կողմից արդեն իրավական գնահատականներ տրված կլինեին։

«Մեր այստեղ գտնվելու պատճառը հենց դա է. գործընթաց սկսելու առաջին հերթին հանցակից լինելու Արցախի հանրապետության ու Արցախի բնակչության նկատմամբ ցեղասպանության գործիք հանդիսացած Ադրբեջանի կառավարության ու նախագահի հանդեպ, նրան հանցակից եղած ՀՀ վարչապետի աթոռը զբաղեցրածի նկատմամբ»,-ասաց Բագրատ Սրբազանը՝ հիշեցնելով, որ անցած տարի այդ օրերին Արցախի բնակչությունը ենթարկվեց էթնիկ զտման։