Ձեր վստահելի աղբյուրը

«Շարունակաբար խոսվում է այն մասին, որ ՔՊ-ական պարագլուխները տևական հանցագործություններ են գործում տարբեր աստիճանի, տարբեր որակների։ Ժամանակն է, որ այդ հայտարարությունները տեղափոխվեն իրավական դաշտ»,-Գլխավոր դատախազության շենքի դիմաց լրագրողների հետ զրույցում հայտարարեց Սրբազան պայքարի մասնակից, Արցախյան երրորդ պատերազմում որդուն կորցրած, գրող, հրապարակխոս Խաչիկ Մանուկյանը։

Նրա խոսքով, պետք է հասկանալ այդ հանցանքներին գնահատական տրվելո՞ւ են, թե ոչ։

«Ես իրատես եմ, գիտեմ, որ մեր ուզած սպասելիքը չի լինելու, քանի որ այսօրվա դատախազը հայտարարել է, որ զեկուցում է վարչապետին, այսինքն կատարում է նրա հրահանգները։ Դատական համակարգն էլ գտնվում է նրա ափի մեջ։ Մարդը հիմա ափը բաց է թողել, զբաղված է հեծանին քշելով, ես այստեղ շատ ազնիվ միտում եմ տեսնում, մարդն ասում է՝ իրավիճակին չեմ տիրապետում, անցել եմ իմ սպորտաձևին»,-ասաց Մանուկյանը։

Նա ընդգծեց՝ ինքը գիտի, որ գործ ունի դարակազմիկ հանցագործների հետ, հավատում է՝ իշխանափոխությունից հետո լինելու է իրավական, ինչպես նաև քաղաքական գնահատական։

«Այդ ժամանակ ձեր դիմաց կանգնած կհայտարարեմ, այո, արդարադատությունը հաղթելու է»,-ասաց նա։