Ձեր վստահելի աղբյուրը

Մոլորակի ամենագեղեցիկ անկյուններն առաջինն են զգում կլիմայի գլոբալ փոփոխության հետևանքները, ինչը, ի վերջո, կարող է սպառնալ բնական և էկոլոգիական զբոսաշրջության ոլորտին, մասնավորապես՝ լեռնային և ձմեռային հանգստին։ Այս մասին գրում է Հիդրոօդերևութաբանության և մոնիթորինգի կենտրոն ՊՈԱԿ-ը՝ հղում անելով meteovesti.ru կայքին։ 

Լեռներում հատկապես նկատելի են եղանակային փոփոխությունները, գրում է Ecosphere-ը՝ վկայակոչելով զբոսաշրջության ոլորտի փորձագետների և հատուկ պահպանվող բնական տարածքների աշխատակիցների հետ հարցազրույցները։

Փորձառու դահուկորդները նշում են, որ ձնածածկ տարածքները կրճատվել են: Նրանք, ովքեր պարբերաբար դահուկ են վարել Էլբրուսի շրջանի Կրասնայա Պոլյանա շրջանում, պատմում են, թե ինչ ձյուն է տեղացել և ինչպիսի ձնահյուսեր են նկատվել նախկինում նոյեմբերից մինչև մայիս՝ ցույց տալով հին լուսանկարները։ Իսկ այժմ ձյան սեզոնը նկատելիորեն կրճատվել է:

Սառցադաշտերի հալոցքը նկատելի է անզեն աչքով։ Այսպիսով, Ջեյրախի կիրճում (Ինգուշեթիա) 3000 մետր բարձրությամբ գագաթների սառցադաշտերը 10 տարում ամբողջությամբ «հալվել են»։ Ռուս կլիմայագետների հրապարակած «Ռուսաստանի Դաշնությունում 2022 թվականի կլիմայի առանձնահատկությունների մասին» զեկույցը հաստատում է նման բացասական միտումները։

Անոմալ տաք ձմեռները, մեծապես ազդում են զբոսաշրջության վրա։ Որպեսզի առողջարանները չսննկանան պետք է աստիճանաբար անցում կատարեն միայն ձմեռային հանգստի գործառույթներից։ Լեռներում ամառային արձակուրդներն ավելի բազմազան են, քան ձմեռայինները, ավելի շատ են զբաղմունքները, և դրանց սեզոնը գնալով երկարում է։ Նման հանգստավայրերում անհրաժեշտ է կազմակերպել արշավներ, լեռնային հեծանվավազք, էկոարահետներ։

Անհրաժեշտ է մշակել քայլարշավային երթուղիների ցանցեր՝ հստակ գրանցման համակարգով, թույլատվություններով և պահպանվող տարածքներ այցելելու կանոններով։ Այդ դեպքում ապագայի հեռանկարները ավելի լավ կլինեն, կարծում են փորձագետները։