Ձեր վստահելի աղբյուրը

«Դեռ 160 վկա կա։ Այս տեմպերով եթե գնա, Արցախի նախկին ՊԲ հրամանատար Միքայել Արզումանյանի գործով դատաքննությունը կտևի 13 տարի»,-ԱԺ-ում հանրային լսումների ժամանակ գլխավոր դատախազ Աննա Վարդապետյանին հարց ուղղեց ԱԺ «Հայաստան» խմբակցության անդամ Գեղամ Մանուկյանը։

Նա հիշեցրեց, որ Մ. Արզումանյանը 2 տարի 45 օր արդեն անազատության մեջ է, ընդգծեց նաև հարցի բարոյական կողմը, քանի որ Արզումյանը 16 տգարեկանից եղել է զինված ուժերում, Արցախի համար ճակատագրական պահի ստանձնել է պատասխանատվություն։

«Նրան, իմ համոզմամբ, կարող է՝ հերքրեք, քաղաքական նպատակոց, լոկ Նիկոլ Փաշինյանի կամքով  2 տարի 45 օր, դեռ չգիտեմ էլ ինչքան պահել են անազատության մեջ»,-ասաց ընդդիմադիր պատգամավորը։

Մանուկյանը բարձրացրեց նաև Նիկոլ Փաշինյանի ավտաշարասյան մեքենաներից մեկի կողմից վթարի ենթարկվելու հետևանքով մահացած հղի Սոնա Մնացականյանի գործի մասին հարցը, ասաց, գործը մի դրվագով հանցակազմի բացակայության հիմքով կարճվել է, քանի որ պահպանված չէ տեսագրությունը։

Գլխավոր դատախազ Աննա Վարդապետյանի պատասխանները հակիրճ էին.

«Մեր դիրքորոշումը արձանագրված է մեղադրական եզրակացության մեջ։ Ձեր դիրքորոշումը քաղաքական են, մենք քաղաքական զսպվածություն ենք ցուցաբերում։ Ձեր գնահատականները փաստաբանական կողմի մեկնաբանություններն են, Ձեր իրավունքն է արձանագրելու։ Մենք մեղադրանք ենք ներկայացրել դատարանում և մեղադրանք ենք պաշտպանում դատարանում։  Ազգային Ժողովի ամբիոնը դատական նիստերի դահլիճ չի, որպեսզի ես որպես մեղադրող հիմա ներկայացնեմ Արեգասարի դրվագը կամ մյուս դրվագները, դատավարությունն էլ հրապարակային է»։

Գեղամ Մանուկյանն ի պատասխան հայտարարեց՝ դատական նիստերը փակ են, որևէ մեկը չի կարող ծանոթանալ։

«Շատ հստակ է, որ մենք գործ ունենք քաղաքական հետապնդման, քաղաքական կոծկման հետ»,-ասաց պատգամավորը։

Մանրամասները՝ տեսանյութում։