Ձեր վստահելի աղբյուրը

«Մինչ տիկ-տոկներում պետության ու պետականության մասին ճամարտակելը,  ցածրորակ ներկյացումներ անելը, հիշի՛ր՝ ազգային երազանք ունենալու իրավունքը մեզնից ոչ ոք չի կարող խլել։ Պինդ եղեք»,-ԱԺ-ում լսումների ժամանակ այսպես ամփփոեղ իր ելույթը Genesis Armenia ուղեղային կենտրոնի հիմնադիր, հեռուստամեկնաբան Աբրահամ Գասպարյանը։

Ելույթն արժանացավ ծափահարությունների։

Հիշեցնենք, որ ԱԺ «Հայաստան» խմբակցության որոշմամբ հրավիրվել են խորհրդարանական լսումներ՝ քննարկելու խմբակցության ներկայացրած «Հայաստանի Անկախության մասին հռչակագրի անժամանցելի արդիականության մասին» ԱԺ հայտարարության նախագիծը:

Աբրահամ Գասպարյանն ասաց՝ պետությունը հայրենիք դարձնելու տեսլականի ծննդականն է Անկախության հռչակագիրը։

«Չմոռանանք՝ հռչակագրից կամ նրա գաղափարաբանական առանցքային դրույթներից հրաժարվելը բացելու է անվտանգային վակուումի, անկառավարելի քաղաքական քաոսի, քաղաքացիական ծայրահեղ անհանդուրժողականության մահաբեր դռները  և ընկալվելու է որպես անորոշության ազդանշան՝ խաթարելով տարածաշրջանային դիվանագիտական գործընթացները՝ վիճարկելի դարձնելով կայուն, երկարատև ու համապարփակ խաղաղության անվտանգ երաշխավորումը։ Նման արկածախնդիր ու անհեռատես քայլը Թուրքիան օգտագործելու է՝ էլ ավելի ընդլայնելու իր քաղաքական, տնտեսական և էներգետիկ ազդեցութունը տարածաշրջանում»,-ասաց Գասպարյանը։

Մանրամասները՝ տեսանյութում։