Ձեր վստահելի աղբյուրը

ՀՀ փոխվարչապետ Մհեր Գրիգորյանը կարծում է, որ Հայաստանի և Ադրբեջանի սահմանազատման հանձնաժողովների կանոնակարգի վավերացման գործընթացը սինխրոն էլ ընթանում է:

«Գործընթացը սինխրոն ընթանում է, ուղղակի չգիտեմ, թե որ փուլում է Ադրբեջանում գործընթացը։ Ստորագրման պահին և ստորագրման տրամաբանությունը ենթադրում է, որ պետք է սինխրոն կլինի գործընթացը»,-  ԱԺ-ում արտաքին հարաբերությունների հանձնաժողովում «Հայաստանի Հանրապետության և Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի ու Ադրբեջանի Հանրապետության եւ Հայաստանի Հանրապետության միջեւ պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին հարցի քննարկումներից առաջ լրագրողների հետ ճեպազրույցում ասաց փոխվարչապետ, Հայաստանի Հանրապետության և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի նախագահ Մհեր Գրիգորյանը։

Նա նշեց, որ չունի մտավախություն, որ Ադրբեջանում չեն վավերացնի կանոնակարգը։

Մհեր Գրիգորյանը նաև նշեց, որ չի շարունակվում ապաշրջափակման  հարցով եռակողմ հանձնաժողովի նիստը։  Հարցին՝ ի՞նչն է  պատաճաաը, նա նշեց. «Ըստ էության, կան ֆունդամենտալ հարցեր, որոնց շուրջ  պետք է լինի կոնսենսուս։ Մինչև այդ  կոնսենսուսը չլինի, դետալների  շուրջ քննարկումները շարունակելը ուղղակի իմաստ չունի»։