Ձեր վստահելի աղբյուրը

Ճարտարապետ Արսեն Կարապետյանը գրում է. 

«1. Արդյոք ինչ-որ փաստաթղթում կա «բարձր տեխնոլոգիա» եզրի պաշտոնական սահմանումը, չգտա։ Դա, ենթադրում եմ, IT-ն չէ բառացի։

2. Ինչո՞ւ ճարտարապետական և ճարտարագիտական նախագծումը չի մտնում բարձր տեխնոլոգիաների տիրույթի մեջ։ Եթե ամենապրիմիտիվ կերպ նկարագրենք, նախագծերը հիմնականում պատրաստվում են թվային գործիքներով, մոտ ապագայում՝ անկասկած միայն թվային տեղեկատվական մոդելներով (BIM, ֆլան-ֆստան) և ճարտարագետների մեծ խմբերի բացառապես մտավոր աշխատանքի արդյունքում։

3. 2026 թ-ից, ըստ նախատեսնված փոփոխությունների, նախագծային կազմակերպությունները չեն կարող համարվել փոքր բիզնես և աշխատել պարզեցված հարկով, նույնիսկ եթե տարեկան շրջանառությունը փոքր է։ Սրա շուրջ կարելի է երկար գրել, օրինակ, փոքր ստուդիաներին դեպի ստվեր ուղղորդելու մասին, բայց հետո։

4. Եթե խոսում ենք ԲՏ ոլորտի զարգացման մասին, ահռելի շուկա կա՝ ամբողջ աշխարհի համար նախագծային փաստաթղթերը աութսորս մշակելու (ՀՀ ում արդեն փոքրիկ քայլեր ու փորձեր եղել են, կան, չնայած լիքը խնդիրների, հիմնականում, որակավորման ու կրթության հետ կապված), բայց էս հնարավորությունն էլ երևի կմնա օդում»։