Ձեր վստահելի աղբյուրը

«Չհամակերպվելով այն փաստին, որ Գյումրիում ՔՊ-ն չունի լիարժեք իշխանություն, այս օրերին իշխանական մեքնան լծվել է այդ փաստը շտկելու աշխատանքին՝ օգտագործելով իշխանական ճնշում գործադրելու հնարավոր և անհնարին բոլոր մեթոդները»,- Ազգային ժողովում կառավարության հետ հարցուպատասխանի ժամանակ ասաց ԱԺ «Հայաստան» խմբակցության պատգամավոր Մհեր Մելքոնյանը։

Ըստ նրա, իշխանությունը Ախուրյանի, Վանաձորի, Ալավերդու օրինակով փորձում է իշխանությունը նվաճել Գյումրիում։

Հարցին պատասխանելու համար ամբիոնին մոտեցավ Նիկոլ Փաշինյանը՝ նախ նշելով.  «Իսկ կներեք, ի՞նչ է պատահել Գյումրիում։ Որ այդքան տեղեկացված եք, ասեք Գյումրիում ինչ է կատարվելու, մենք էլ իմանանք»։

Մ. Մելքոնյանը նշեց, որ Գյումրիում «Բալասանյան» դաշինքը հանձնելու է իշխանությունը. «Իմ կարծիքով, արտահերթ ընտրության եք գնալու»։

«Դե եղավ, շնորհակալություն»,- ասաց Փաշինյանն ու հեռացավ ամբիոնից։ 

«Խնդրեմ»,- արձագանքեց ընդդիմադիր պատգամավորը։