Ձեր վստահելի աղբյուրը

«Այն թեկնածուները, որոնք ներկայացվում են արդարադատության նախարարի պաշտոնի համար, նրանց 80 տոկոսն ասում են, որ գոհ են այն պաշտոնից, որ հիմա զբաղեցնում են և ուզում են մնալ իրենց տեղերում»,-  լրագրողների հետ զրույցում ասաց ԱԺ նախագահ Ալեն Սիմոնյանն՝ պատասխանելով հարցին, թե ինչո՞ւ չեն կարողանում ընտրել արդարադատության նախարար:

Նա նշեց, որ սխալ բան են արել՝ քննարկելով բոլոր թեկնածուներին, անկախ նրանից, թե այդ թեկնածուն իր համաձայնությունը տվել է, թե չի տվել:

«Մենք, այնուամենայնիվ, հնարավորություն ենք ընձեռում ելույթ ունենալ, որպեսզի ավելի բաց լինի»,- ասաց նա:

Ըստ Ա. Սիմոնյանի, փորձում են ծանրակշիռ մարդկանց առաջադրել». «Վստահ եմ, որ մոտ ապագայում մենք  արդեն կունենանք թեկնածու»։

Նշեց, որ որ նոր անուններ կան, բայց չի կարող ասել:

Հարցին՝ գործո՞ւմ է այն սկզբունքը, որ պետք է պարտադիր լինի ՔՊ կուսակցության անդամ արդարադատության նախարարը, Ա. Սիմոնյանը պատասխանեց. «Մենք դա արդեն պետք է վերանայենք,  հնարավորություն տանք ներկայացնել թեկնածուներ, որոնք այս պահին կամ ընդհանրապես «Քաղաքացիական պայմանագիր» կուսակցության անդամ չեն, նմանատիպ բազմաթիվ լավ փորձեր ունենք»:

Հարցին՝ ՔՊ-ում կադրերի «սո՞վ կա», ԱԺ նախագահը պատասխանեց. «Մարդկանց ռեսուրսների խնդիր կա բոլոր բնագավառներում, մասնավորապես, եթե մենք խոսում ենք այնպիսի պատասխանատու ոլորտի մասին, ինչպիսին է արդարադատությունը: Մենք բազմաթիվ խնդիրներ ունենք, նաև հայ-ադրբեջանական խաղաղության պայմանագրի դիտանկյունից ենք նայում, պետք է մասնագետ լինի, որ այդ պայմանագրի հետ առնչություն ունենա։

Դեռևս չունենք այն ցանկալի թեկանծուն, որին այդ մեծ բեռը կտանք»։