Ձեր վստահելի աղբյուրը

Ընդդիմադիր կուսակցությունները հրաժարվել են ճանաչել խորհրդարանական ընտրություններում «Վրացական երազանքի» հաղթանակը։ Այդ մասին հայտնում է «Newsgeorgia.ge»-ն։

«Սա գողացված ընտրություններ են, այն իշխանության յուրացում է և Վրաստանում սահմանադրական հեղաշրջում։ Այն տեղի չի ունենա: Սա Ռուսաստանը չէ, սա Վենեսուելան չէ, սա Վրաստանն է»,-ասել է «Հանուն փոփոխությունների» կոալիցիայի առաջնորդ Նիկա Գվարամիան, որը ցույց է տվել երկրորդ արդյունքը (11,2%)։

«Բիձինա Իվանիշվիլին գողացավ վրաց ժողովրդի հաղթանակը և գողացավ եվրոպական ապագան... Մենք չենք ճանաչում և մտադիր չենք ճանաչել այս գողացված ընտրությունների արդյունքները», -ասել է Միասնություն կոալիցիայի (9,8%) մեջ մտնող «Ազգային շարժում» կուսակցության նախագահ Թինա Բոկուչավան:

5 տոկոսի շեմը հաղթահարած ընդդիմադիր կուսակցությունները շարունակում են խորհրդակցությունները. Նրանք նախատեսում են այսօր ավելի ուշ հայտարարել իրենց գործողությունների մասին։

Հոկտեմբերի 26-ին Վրաստանում տեղի ունեցան խորհրդարանական ընտրություններ։ Դրանց մասնակցել է 18 կուսակցություն։

Կենտրոնական ընտրական հանձնաժողովի նախնական տվյալներով՝ 12 տարի իշխանության ղեկին մնացած «Վրացական երազանք»-ը հավաքում է ձայների 52,9 %-ը։ 5 %-ի արգելքը հաղթահարել են նաև «Ուժեղ Վրաստանը» (9%) և «Գախարիան՝ Վրաստանի համար» (8.2%)։