Ձեր վստահելի աղբյուրը

«ՌԻԱ նովոստի»-ի թղթակիցը տուժել է, երբ երկրի խորհրդարանի մոտ նրան հետապնդել են վրացական ընդդիմության ցուցարար կողմնակիցները։

Լրագրողի խոսքով՝ հանրահավաքում գտնվող սադրիչները վրդովվել են՝ լսելով ռուսերեն խոսք։ Թեև լրագրողն փորձել է անտեսել նրանց, բայց նրա շուրջ ամբոխ է հավաքվել։

Ցուցարարները հակառուսական կարգախոսներ են վանկարկել և լրագրողին հետապնդելով՝ նրա գլխի վերևում բարձր ձայնով մեգաֆոն են միացրել։

«Երբ հասա իրավապահների շարքերին, ձայնային հարված ստացա»,- հավելել է նա։

Ամբոխով շրջապատված «ՌԻԱ նովոստի»-ի թղթակիցն ընկել է գետնին, ինչից հետո իրավիճակին միջամտել են վրացի իրավապահները։ Ոստիկանության հսկողության ներքո լրագրողը նստել է տաքսի և հեռացել հանրահավաքի վայրից։

Այսօր ցուցարարները, որոնց ճնշող մեծամասնությունը երիտասարդներ են, երթով շարժվեցին դեպի խորհրդարանի շենք, որտեղ նախօրեին ընդդիմության մեծ հանրահավաք էր՝ ընդդեմ երկրում կայացած խորհրդարանական ընտրությունների արդյունքների։