Ձեր վստահելի աղբյուրը

ԱՄՆ նախագահական ընտրություններին ընդառաջ ուշագրավ զարգացումներ են տեղի ունենում։ Օրինակ, երեկ նախընտրական քարոզարաշավ աղբատար մեքենայով Թրամփի մուտքը հայտնվել է միջազգային ԶԼՄ-ների ուշադրության կենտրոնում։

Իսկ դրան նախորդել էր ԱՄՆ գործող նախագահ Ջո Բայդենի հայտարարությունը, որը ԶԼՄ-ներն անշնորհք  ու ցնցող են որակում Հարիսի հրավիրած մեծ հանրահավքին ընդառաջ։

Հիմա ամեն  բան ըստ հերթականության։ ԱՄՆ նախագահի հանրապետական թեկնածու Դոնալդ Թրամփի կողմնակիցներից կատակերգու Թոնի Հինչկլիֆը հայտարարել է, որ Պուերտո Ռիկոն աղբի մեջ լողացող կղզյակ է։

Նշենք, որ  Պուերտո Ռիկոն գտնվում է ԱՄՆ ղեկավարության ներքո՝ չհանդիսանալով նրա անկապտելի մասը։ Դրա տարածքում ԱՄՆ Սահմանադրությունը գործում է սահմանափակ, գերագույն իշխանությունը պատկանում է ԱՄՆ կոնգրեսին, սակայն տարածքն ունի իր ինքնավարության համակարգը։

Ի պատասխան կատակերգուի՝ Ջո Բայդենը հայտարարել է. «Միակ լողացող աղբը, որ ես տեսնում եմ, նրա (Թրամփի) աջակիցներն են (The only garbage I see floating out there is his supporters)։

Այս հայտարարությունն առաջացրել է հանրապետականների զայրույթը, հայտնվել միջազգային մամուլի գլխագրերում։

CNN-ի  փոխանցմամբ, Սպիտակ տունը շատ արագ փորձել է խմբագրել Բայդենի խոսքը։

Դոնալդ Թրամփն արձագանքել է Ջո Բայդենի հայտարարությանը՝ Վիսկոնսի նահանգ ժամանելուն պես։ Նա նարնջագույն ժիլետով նստել է աղբատար մեքենայի խցիկում ու այդտեղից պատասխանել լրագրողների հարցերին։

«Ո՞նցն է իմ աղբատար մեքենան։ Քամալայի ու Ջո Բայդենի պատվին է»,-լրագրողներին ասել է նա։