Ձեր վստահելի աղբյուրը

Հայաստանն ընտրվել է որպես Կենսաբազմազանության կողմերի համաժողովի հյուրընկալող երկիր և COP17-ը  2026թ,-ին անցկացվելու է մեր երկրում։   «Թռչունների կենտրոն» ՀԿ նախագահ, թռչնաբան  Սիլվա Ադամյանը Panorama.am-ի հետ զրույցում նշեց՝ ակնհայտ է, որ այն քաղաքական որոշում է։

«Կարծում եմ՝ սա ինչ-որ առումով հատուցում է՝ COP29-ն (Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջան) անցկավելու է Բաքվում, իսկ COP17-ն էլ  (Կենսաբազմազանության կողմերի համաժողով) եկեք անցկացնենք Հայաստանում։ Սա  քաղաքական  որոշում է, որին պետք է դրական արձագանքենք։ Ամեն դեպքում, իրադարձությունը կարևոր է Հայաստանի համար։ Կարևոր է որպեսզի երկիրը կարողանա նոր առաջարկնել քաղել , նոր ծրագրեր, որոնք կարող են օգնել Հայաստանում կենսաբազմազանության պահպանությանը։ Մենք հիմա դժվարին իրավիճակում ենք՝ բավականին փոփոխություններ եղավ մեր սահմաններին և հետևանքներից մեկն էլ «Շիկահողի» արգելոցում տեղի ունեցող իրավիճակն է։ Այս խնդիրները պետք է լուծվե»,- ասաց նա։

Ադամյանը հիշեցնում է, որ Ադրբեջանը 2020թ․-ի պատերազմի ընթացքում կիրառեց ֆոսֆորային զենք, որը անհետևանք չէր մնալ կենսաբազմազանության  և շրջակա միջավայրի վրա։

«Հիմա էլ «Շիկահողի» արգելոցում են ծառահատումներ  տեղի ունենում։ Ցավում եմ, որ մեր պատկան մարմինները և հանրային սեկտորը չեն կարողանում այն կասեցնել։ Ի վերջո այն տեղի է ունենում ՀՀ տարածքում։ Բացի դրանից ունենք  կլիմայական ակնհայտ  փոփոխություններ, որոնք կարող են անդրադառնալ կենսաբազմազանությաան փոփոխության վրա։ Այսինքն՝ խնդիրները  շատ և  հիմա լավ է, որ ստեղծվում է հնարավորություն՝ միջազգային հանրության հետ այս ամենը քննարկելու»,- ասաց Ադամյանը։

Անդրադառնալով հարցին, թե ինչո՞ւ քաղհասարակությունը չի մասնակցում COP29-ին, որը տեղի կունենա Բաքվում և նշված բոլոր խնդիրները ներկայացնի միջազգային հանրության լայն շերտերին, Ադամյանն ասաց․ «Մենք նամակ ենք գրել միջազգային հանրությանը, որպեսզի այդ համաժողովը չանցկացնեն Բաքվում։ Ես չեմ ուզում եմ առաջ ընկնել, բայց արդեն գիտեմ միջազգային կառույցներ, որոնք ցանկանում են միանալ նամակին և բոյկոտել Բաքվում կայանալիք COP29-ը։ Ինչ վերաբերում է մասնակցությանն, ապա  քաղհասարակությունը կարող է չգնալ ու չմասնակցել, բայց պատկան մարմինները պարտավոր են գնալ։ Մենք այնպիսի հերյուրանքներ ենք լսում Հայաստանի հասցեին,թե Հայաստանն ամեն ինչ աղտոտում է և այլն։ Բազմակողմանի պատրաստված և լուրջ մասնագիտական խմբով պետք է գնան։ Եթե  մարդ չեղավ Բաքվում, որը կպաշտպանի մեր երկրի շահերը, ապա շատ վատ հետևանքներ կունենա COP29-ը Հայաստանի համար։ Չգնալ նշանակում է Հայաստանը գցել ցեխի մեջ»։

Ադամյանի խոսքով՝այդ  երկրին, որն աղտոտում է տարածաշրջանը նավթային թափոններով, պետք է լռեցնել։

«Ադրբեջանի նավթաարդյունաբերական կենտրոնները լուրջ վնաս են հասցնում տարածաշրջանին՝ Ռուսաստանին, Վրաստանին, Թուրքմենստանին, այդ թվում հենց իրենց, որովհետև հազարավոր հեկտարներով հողեր դեգրադացվել են և մշակման համար պիտանի չեն»,- ասաց նա։
Ադամյանն ակնկալում է, որ  COP29-ում կխոսվի Ադրբեջանի նավթագազային խնդիրների մասին։