Ձեր վստահելի աղբյուրը

Տնտեսական քաղաքականության ձախողման հետևանքները մեղմելու նպատակով կառավարությունը բարձրացնում է տարբեր հարկատեսակները և հանրային ծառայությունների սակագները։ 2025 թվականին 900 հազար ընտանիք  50 %-ով ավել գույքահարկ է մուծելու։ Կառավարության նման որոշումներն արդյո՞ք ճիշտ են սոցիալական արդարության տեսանկյունցի։ Վերոնշյալ հարցերի շուրջ «Panorama-հարցազրույցի տաղավարում իր կարծիքը հայտնեց «Ապրելու երկիր» կուսակցության համահիմնադիր, աշխատանքի և սոցիալական հարցերի նախկին նախարար Մեսրոպ Առաքելյանը։

Հարցազրույցում հնչեցված հիմնական թեզերի առաջին մասը՝ ստորև.

♦Գույքահարկն աստիճանական բարձրացնում են, որը կլինի 2025 թվականին և ևս 50%-ով այս տարվա համեմատ կբարձրանա 2026 թվականին։ Պատկերավոր ասաց՝ հիմա ինչքան գույքահարկ ենք վճարում, 2026 թվականին երկու անգամ ավել կվճարենք, որը բավականին ծանր դրության մեջ կարող է դնել սոցիալապես անաապահով անձանց, որովհետև բնակչության կառուցվածքում կան միայնակ թոշակառուներ կամ թոշակառու ամուսիններ, որոնց եկամտի միակ աղբյուրը կենսաթոշակն է, հետևաբար,այդ բարձրացումը համարժեք չի լինի եկամտի բարձրացմանը։

♦Գույքահարկի հավաքագրումը մեր պետական բյուջեում շատ փոքր՝ մոտ 1 % է կազմում, հետևաբար սա հարկերի հավաքագրման տեսանկյունից էն արդյունքը չի տալիս, որի համար կարելի է հասարակությանը բերել դնել նման ծանր վիճակում։

♦Արդարության հաստատաման պատկերը չունենք այս գույքահարկում, թեև կա տեսակետ, որ հարուստների թանկ գույքի 1 %-ը բարձր է, բայց կան երկրներ և քննարկումներ, որ շքեղության հարկի հաստատումը էապես կապահովեր այն սոցիալական հավասարության պատկերը, որ նման տների համար գույքահարկը ոչ թե 1 % լիներ, այլ 4-5 %, ընդհուպ՝ 10%։ Այն նաև հնարավոր լուծում կլիներ ապօրինի գույքեի հարցում։

♦Սա նաև մի ազդակ է հասարակությանը, որ, բոլոր ոլորտներում է իշխանությունը ձախողել։ Այսինքը բոլոր ոլորտներում,  գույքահարկի, կամ շրջանառության հարկի բարձրացումը հաստատ  ռուս-ուկրաինական պատերամզի պատճառով չէ, ոչ էլ Թրամփի ընտրվելու կամ չընտրվելու հետ է կապված։ Սա հստակ ներքին քաղաքական օրակարգ է, և անհասկանալի է, թե ինչու են գույքահարկ կամ շրջանառության հարկ բարձրացնում։

♦Փոքր բիզնեսին, որը գլուխը կախ աշխատում է, ասում են, որ մյուս տարվանից երկու անգամ ավել հարկ մուծի, ոչ թե մի փոքր։ Սա միանշանակ հասարակության մոտ անվստահությունն է առաջացնելու իշխանությունների հանդեպ։ Հասարակությունը սրանով պետք է հասկանա, որ իշխանությունը կտրվում է սովորական քաղաքացուց։

♦Մի քանի անգամ առիթ եղել է, որ ասել եմ՝ եկեք հացի դանակ չվաճառենք, որովհետև դանակով մարդ են սպանում։ Կառավարությունը գնում է այդ մոդելով.10 հոգի հանցագործ կա,ասում է՝ եկեք այս 1000 հոգուն ծեծենք, որ մեջից 10 հոգի ծեծ ուտի, բայց չգիտենք, թե ովքեր են այդ 10-ը։

♦Կառավարությունը, քաղաքապետարանը միշտ պոտենցիալ հանցագործներ է փնտրում։ Ըստ կառավարության՝ բոլոր վարորդները հանցագործ են, բոլորը պարտադիր չարաշահում են, այդ փողերը լցնում են գրպանները և տանում տուն։ Այդպես չէ՝ հասարակության զգալի մասը բարեխիղճ է նվիրված է ու արդար։
 

♦Երևանի քաղաքապետարանի տրանսպորտի վարչության պետը մի մարդ է, որը նախկին իշխանությունների ժամանակ եղել է «Պարկինգ սիթի սերվիս»-ի տնօրենը(կարմիր գծերի), որի մասով բացահայտվեց 800 մլն դրամի չարաշահում, ու էդ մադը բերեց այն վճարեց, թե որտեղից՝ չգիտեմ։ Էս մարդն էսոր անցնում է ապօրինի գույքով։ Այսիքնը, այս մարդու գույքի վրա դատարանը արգելանքն է դրել դատախազությունը մտել է Երևանի քաղաքապետարանի տրանսպորտի վարչության պետի դեմ,ասում է ապօրինի գույքեր ունի։

Հարցազրույցն ամբողջությամբ՝ կցված տեսանյութում։