Ձեր վստահելի աղբյուրը

Հատուկ դատախազ Ջեք Սմիթը խնդրել է դաշնային դատավորին դադարեցնել ԱՄՆ նախագահ ընտրված Դոնալդ Թրամփի քրեական գործը՝ 2021 թվականի հունվարի 6-ին Կապիտոլիում գրոհի գործով, որպեսզի նրա գրասենյակը կարողանա գնահատել, թե ինչպես առաջ շարժվել, երբ Թրամփը վերադառնա նախագահի պաշտոնին:  Այս մասին հայտնում է NBC News-ը։

Հատուկ դատախազն արդեն ակտիվ քննարկումների մեջ է Արդարադատության դեպարտամենտի բարձրաստիճան պաշտոնյաների հետ, թե ինչպես վարվել գործի հետ:

Դատախազն իր արարք բացատրում է, որ նոյեմբերի 5-ի ընտրությունների արդյունքով մեղադրյալը կստանձնի նախագահի պաշտոնը, ուստի կառավարությանը «ժամանակ է պետք՝ գնահատելու այս աննախադեպ հանգամանքը և որոշելու համապատասխան ընթացքը ապագայի համար՝ արդարադատության նախարարության քաղաքականությանը համապատասխան»:

Կառավարությունը մինչև դեկտեմբերի 2-ը գործի ընթացքի վերաբերյալ հաշվետվություն կազմելու կամ դատարան ներկայացնելու ժամանակ ունի։

NBC-ն ենթադրում է, որ սա քայլ կլինի Թրամփի նկատմամբ որպես Միացյալ Նահանգների նախագահի հետապնդումը դադարեցնելու ուղղությամբ։

Կապիտոլիումի բլրում գտնվող Կոնգրեսի շենքը հարձակման է ենթարկվել 2021 թ. հունվարի 6-ին։ Պաշտոնից հեռացող նախագահ Դոնալդ Թրամփի ավելի քան 30 հազար կողմնակիցներ հավաքվել էին Վաշինգտոնի կենտրոնում՝ պնդելով, որ նոյեմբերի 3-ի նախագահական ընտրությունները կեղծվել են, և ընտրված  նախագահ Ջո Բայդենը չի կարող ստանձնել երկրի ղեկավարի պարտականությունները։ Անկարգությունների հետևանքով զոհվել է 5 մարդ, այդ թվում՝ մեկ ոստիկան։