Կարծում եմ՝ այսօր ներկա ուսուցիչները համոզվեցին, որ էլեկտրոնային ծրագիրը դյուրին է. Ժաննա Անդրեասյան
ԿԳՄՍ նախարարի պաշտոնը զբաղեցնող Ժաննա Անդրեասյանը գրում է.
«Այսօր մեկնարկեցինք ուսուցիչների կամավոր ատեստավորումը էլեկտրոնային եղանակով։
Ինֆորմատիկայի և աշխարհագրության ավելի քան 350 ուսուցիչներ այսօր այս ձևով անցան ատեստավորումը։ Նրանցից շատերը հաջող արդյունքներ գրանցեցին, ինչի համար շնորհավորում եմ։
Ատեստավորման գործընթացը կշարունակվի վաղը և նոյեմբերի առաջիկա շաբաթ-կիրակի օրերին՝ նախապես հաստատված ժամանակացույցով։
Հաջողություն եմ մաղթում բոլոր ուսուցիչներին, որ գրանցվել են և մասնակցելու են գործընթացին։ Խնդրում եմ տեղում լինեք գոնե մեկ ժամ առաջ, որ առանց շտապելու ծանոթանաք ընթացակարգին, նախապատրաստվեք և նախապես նշված ժամին մեկնարկեք թեստը լուծելը։
Կարծում եմ՝ այսօր ներկա ուսուցիչները համոզվեցին, որ էլեկտրոնային ծրագիրը դյուրին է, առանց որևէ հավելյալ բարդության և օգնում է իրենց ավելի շատ ժամանակ տրամադրել առաջադրանքներին։
Սովորենք, որ սովորեցնենք, սիրելի ուսուցիչներ»։