Ձեր վստահելի աղբյուրը

ԱՀԹ Զորավոր Սուրբ Աստվածածին եկեղեցու հոգևոր հովիվ Տեր Գրիգոր քահանա Գրիգորյանը գրում է.

«Հատուկ կարճմիտների, կամ նրանց համար, ովքեր չհասկացան և չնդունեցին երեկվա ուղերձս:

Կարեն Վարդանյանը իմ հոգևոր եղբայրն է, Նազենի Հովհաննիսյանը իմ հոգևոր քույրը և մենք բոլորս, ուզեք թե չուզեք, ի Քրիստոս քույր և եղբայր ենք, քանի որ Տիրոջը ընդունում ենք մեզ Հայր: Ավելին այս երկու անձերն էլ եղել են իմ ընտանեկան հարկից ներս և հակառակը ես եմ եղել իրենց հարկից ներս, ավելին այս երկու անձերն էլ եղել են և են Արև երեխաների աջակիցն ու բարեկամը:
Ես ոչ մեկին ոչ առջևից գրկել եմ, ոչ էլ թիկունքից հարվածել: Ես միշտ մնացել եմ իմ հոգևոր առաքելության և կոչման մեջ հավատարիմ և քարոզել Քրիստոսին:

Դուք ուղղակի սովոր չեք կամ չեք սիրում հարցը հոգևոր դաշտում սիրով լուծելու և սեր քարոզելու, դուք սովոր եք բամբասելու, քննադատելու, բռնության, պատժի, ծեծի, ասֆալտին փռելուն:

Ձեզանից ամենամեղավորը ես եմ, որովհետև դեռ հոգևոր տկարություն ունեմ, բայց ձգտում եմ հասնել կատարելության, վստահ լինելով, որ Աստված կների ինձ, որովհետև սիրում է ինձ:

Ում հետ առանձին ինչ եմ խոսել, սա իրենց և իմ իրավունքն է որը հանրայնացնելու և քնարկման դնելու իրավունք մեզանից ոչ մեկը չունի:

Խնդրում եմ ձեզ հանդուրժող եղեք, ներող եղեք և սիրեք ձեր նմանին»։