Ձեր վստահելի աղբյուրը

Նոյեմբերի 16-ին կկայանա «Մանկական Եվրատեսիլ» երգի միջազգային մրցույթը։ Հայաստանի ներկայացուցիչ Լեոն հանդես կգա «Cosmic friend» երգով։ 

Հանրային հեռուստաընկերությունը ներկայացրել է՝ ինչպե՞ս քվեարկել Լեոյի օգտին Հայաստանից.

.այցելել https://vote.junioreurovision.tv կայք,
. դիտել բոլոր ելույթների նախադիտումները,
. անվճար քվեարկել Հայաստանը ներկայացնող Լեոյի և նախընտրած երկու այլ երկրի պատվիրակների օգտին (մրցույթի կանոնների համաձայն պարտադիր է ընտրել 3 երկիր):

Քվեարկությունը մեկնարկում է նոյեմբերի 15-ի լույս 16-ի կեսգիշերից մինչև շոուի սկիզբը՝ նոյեմբերի 16-ը ժամը 21։00-ն։ 

Միջոցառումից անմիջապես առաջ քվեարկությունը ժամանակավորապես կդադարեցվի: Ավելի ուշ՝ միջոցառման ընթացքում, այն կվերսկսվի մոտավորապես 15 րոպեով: Ելույթներից հետո ձեր ձայները կուղարկվեն քվեարկության թիմին, որտեղ դրանք կվերածվեն միավորների: Մրցույթի արդյունքները կորոշվի հեռուստադիտողի և ժյուրին քվեարկության արդյունքում՝ 50/50 հարաբերակցությամբ: Հաղթում է այն երգը, որը հավաքել է առավելագույն միավորները:

Լեոն իր «Cosmic friend» երգով պատմում է իր և այլմոլորակայինի արտասովոր ընկերության մասին: Լեոն խոսում է երաժշտության լեզվով և տիեզերքի բոլոր բնակիչներին միավորում է իր երգի շուրջ՝ պարելու, ուրախանալու և միասին լավ ժամանակ անցկացնելու։

Երգի երաժշտության հեղինակը tokionine-ն է (Դավիթ Բադալյան), խոսքերի հեղինակներն են Վահրամ Պետրոսյանը և Մալենան:

«Մանկական Եվրատեսիլ 2024» երգի մրցույթն այս տարի անցկացվելու է Իսպանիայի մայրաքաղաք Մադրիդում նոյեմբերի 16-ին՝ «Ծաղկենք» խորագրով: