Ձեր վստահելի աղբյուրը

«Էլի էդ նույն մարդիկ, ովքեր հանրապետությունում ճռռիկներ-վռռիկներ էին անում, հազար ներողություն այս բառիս համար, էդ նույն մարդիկ էդ նույն բանն անում են։ Նրանք, ովքեր վերևից էին նայում, էլի էդ նույն բանն անում են։ Սա չի կարա շարունակվի, հասկանում եք, չի կարա շարունակվի։ Լավ՝ ես կարամ մեկ տարի, երկու տարի, երեք տարի համբերեմ։ Հարգելի գործընկերներ, դատական, իրավական, ուժային համակարգի հարգելի ներկայացուցիչներ՝ իմ համբերության բաժակը լց-վել-է»,- կառավարության այսօրվա նիստում հայտարարեց Նիկոլ Փաշինյանը։

Նա նշեց, թե բոլորին և ուղիղ է ասում։

«Ոնց որ քյասիբի ռադիո լինեմ։ Գալիս եմ ձեր միջոցառումներին, ելույթ եմ ունենում, խոսում եմ, դուք էլ ծափ եք տալիս, ես թողնում գնում եմ։ Հետո, հաջորդ տարի գալիս եմ նույն ելույթն եմ ունենում՝ ավելի ուժեղ եք ծափ տալիս, ես թողնում գնում եմ։ Ով է ում ձեռ առնում, ուզում եմ հասկանամ։ Սրա վերջը եկել է, ես չեմ կարա այլևս, որովհետև էլ բան չունեմ տալու։ էն, ինչ ուզել եք, տվել եմ, չեմ միջամտել որևէ մեկի գործի մեջ»,- ասաց Փաշինյանը։

Նա հայտարարեց, թե 2018-19 թվերին կարող էր հասկանալ նման հարցերը, բայց չի կարող այսօր հասկանալ, որ գյուղ գնա և մարդիկ նույն բանն իրեն ասեն, թե էդ մարդուց էն ժամանակ վախում էին, հիմա էլ են վախում։

«Ու ստացվի, որ Հայաստանում թույլ իշխանությո՞ւն է։ Կներեք, ուրեմը թույլ է ուժային կառույցը... Ո՞նց կարա որևէ մեկն ինձ թույլ անվանի...Այսինքն անընդհատ պետք է ապացուցելու անհրաժեշտություն ունենա՞նք... Ոչ թե ինձ, այլ՝ պետությանը։ Ո՞նց կարա պետության մեջ որևէ մեկը թպրտա, ո՞նց կարա նման բան լինի, ես հիմք եմ տվել որևէ մեկին ասելո՞ւ որ ես համարում եմ, որ տենց բանա կարա լինի»,-ասաց Փաշինյանը։