Ձեր վստահելի աղբյուրը

«Բնականաբար Սափրվելը հետևանքներ էր ունենալու։ Պատկերացնում եք՝ թախանձագին խնդրել էր թողնել պաշտոնները, թե Քաջ Նազարի պես՝ գյադեք ռադ եղեք, սրանք էլ ռադ են եղել»,-ԱԺ ճեպազրույցների ժամանակ ասաց «Հայաստան» խմբակցոթյան պատգամավոր Աղվան Վարդանյանը՝ անդրադառնալով վերջին պաշտոնանկություններին։

Նա նշեց, որ նախորդ քառօրյայում հայտարարություն էր նախապատրաստել «իրար ուտելու» մասին, բոյց որոշել էր չասել և չխանգարել։

Նրա խոսքով՝ ՔՊ-ական ռեպրեսիվ ապարատի ամբողջ «կեղտոտ» քարոզչությունն ուղղված է ընդդիմության դեմ։

«Արդյունքներից դժգոհ է, փորձում է սկսել 0 կետից՝ նույն կանխատեսելի հետևանքով, ողբերգությունը վերածվում է ֆարսի, դեպքերի զարգացման մի քանի սցներա կա կապրենք , կաշխատենք, կտեսնենք»,-հայտնեց Վարդանյանը։

Նա նշեց, որ պաշտոնանկությունները գիշերով վայրկյանների որոշմամբ՝ Նիկոլ Փաշինյանի վերաբերմունքն է պետական ինստիտուտների վերաբերյալ։

«Երբ որ նա պաշտոնապես գրում է, թե «Խնդրել եմ թողնել պաշտոնները»,-դուք բոլորդ գիտեք, թե ինչ է նշանակում «խնդրելը»»,-ասաց Աղվան Վարդանյանը՝ շեշտելով, որ Փաշինյանի բնույթը հակադրության մեջ է պետականության գիտակցության հետ։

Ըստ ընդդիմադիր պատգամավորի՝ Փաշինյանը մնացել է մանկության տարիքին։

Վարդանյանի խոսքով՝ պաշտոնանկություններվ շատ բան չեն կորցրել, քանի որ նրաց մեջ չկար մեկը, որը հակադրվեր Փաշինյանին։

«Այս  մարդու ղեկավարությամբ Հայաստանը ապագա չունի և նա չարիք է պետության համար»,-ասաց Վարդանյանը։

«Civic.am»-ի լրագրողը Վարդանյանին խնդրեց նշել Ռոբերտ Քոչարյանի սխալներից մեկը, ինչպես խոսում է Փաշինյանի սխալներից։

«Ռոբերտ Քոչարյանին համեմատել Նիկոլ Փաշինյանի հետ՝ նշանակում է աշխատել «civic.am» լրատվականում»,-պատասխանեց ընդդիմադիր պատգամավորը։