Ձեր վստահելի աղբյուրը

Սուրբ Աթոռում Հայ Առաքելական եկեղեցու ներկայացուցչությունը Արցախի կրոնական և  մշակութային ժառանգության պահպանությանը նվիրված միջազգային համաժողով է անցկացրել։ 

 Երկօրյա միջոցառման շրջանակներում ներկայացվել են Արցախի հայկական  կրոնական, հոգևոր և մշակութային ժառանգության դեմ սպառնալիքներն ու խնդիրները։

Սուրբ Աթոռում Հայ առաքելական եկեղեցու ներկայացուցիչ, Արևմտյան Եվրոպայի հայրապետական պատվիրակ Խաժակ արքեպիսկոպոս Պարսամյանն իր ելությում ընդգծել է, որ սիմվոլների, այս դեպքում՝ քրիստոնեկան սիմվոլների ոչնչացումն անթույլատրելի է։

«Այն ինչ կատարվում է Արցախի քրիստոնեկան ժառանգության հետ սարսափափելի է։ Խոսքը եկեղեցիների, վանքերի,  սրբավայրերի մասին է։ Գումարած այն փաստը, որ 120 հազար մարդ ստիպված է եղել փախչել պատերազմի պատճառով, և այժմ հույս ունենք, որ նրանք  կկարողանան վերադառնալ իրենց նախնիների հողերը։ Այս ուղղությամբ աշխատում են  դիվանագիտական հարությունում։ Անձամբ լիահույս եմ, որ դա տեղի կունենա»,- իտալական ilmessaggero.it պարբերականի փոխանցմամբ՝ նշել է Սրբազանը։

Արցախին  և արցախահայությանը վերաբերող խնդիրները ներկայացնելիս՝  Խաժակ արքեպիսկոպոս Պարսամյանը զուգահեռներ է անցկացրել Գազայում տիրող իրավիճակի հետ՝ համաձայնելով Հռոմի Սրբազան Քահանայապետի  այն դիտարկաման հետ, որ այնտեղ կատարվողը Ցեղասպանություն է։ Մինչդեռ, Սրբազանն ընդգծել է,որ այն ինչ տեղի է ունենում Գազայում չի կարելի համեմատել Հայոց Ցեղասպանության հետ։

«Այն ժամանակ Օսմանյան ղեկավարությունը ծրագրված կերպով ոչնչացնում էր հայ  փոքրամասնությանը, իսկ Իսրայելը հայտարարում է, թե փորձում է պաշտապնել իր ժողովրդին՝ հարձակման ենթարկելով Գազայի քաղաքացիական բնաչությանը՝ հարվածներ հասցնելով հիվանդանոցներին, որտեղ երեխաներ են։ Եվ սա հիմնավոր կասկած է առաջացնում»,- նշել է նա։

Խաժակ արքեպիսկոպոս Պարսամյանն անդրադարձ է կատարել նաև հիշողության դերին՝ որպես ժողովրդների ինքնության կարևոր բաղադրիչի։

«Թուրքիայի նոր սերունդը, իհարկե, պատասխանատվություն չի կրում 1915 թվականին տեղի ունեցածի համար, բայց պետք է համարձակություն գտնել և ընդունել պատմությունը։ Հիշողությունը մեզ դարձնում է ավելի ուժեղ, ոչ թե հակառակը։ Պետք է նաև խոստովանել, որ շատ թուրքեր նույնիսկ տեղյակ չեն պատմական փաստերի մասին, քանի որ դրանք չեն ուսուցանվում դպրոցրներում։ Այնուամենայնիվ, Ցեղասպանության ճանաչումը կնպատասեր ժողովրդների միջև հարաբերությունների հաստատմանը։ Հայաստանի հանրապետությունը հատկապես վերջին շրջանում, փորձում է հարաբերություններ հաստատել Թուրքիայի հետ, և մենք հույս ունենք, որ այս պրոցեսը շարունակական կլինի։ Խոսքն այն մասին է, որ անհրաժեշտ է բոլոր բաց հարցերը դնել սեղանին և լուծել դրանք։ Ամեն ինչ հնարավոր է և մենք հուսով ենք՝ մի օր դա տեղի կունենա»,- ընդգծել է նա։

Նշենք, որ միջազգային համաժողովը կայացել է Հայրապետական ​​«San Tommaso d’Aquino»  համալսարանում։