Ձեր վստահելի աղբյուրը

Առողջապահության համաշխարհային կազմակերպության (ԱՀԿ) հետազոտողները պարզել են, որ 85 դԲ (դեցիբել) բարձր ֆոնային աղմուկը կարող է հրահրել սիրտ-անոթային և մարսողական համակարգերի պաթոլոգիաները, ինչպես նաև խաթարել ուղեղի և լսողական օրգանների միջև հաղորդակցությունը: Գազետա.ռու-ի հաղորդմամբ, արդյունքները հրապարակվել են The Lancet գիտական ամսագրում։

Աղմուկի աղտոտումը ճանաչվել է որպես շրջակա միջավայրի վրա կործանարար ֆիզիկական ազդեցության ձև, որը նման է օդի աղտոտմանը:

Հետազոտողները աղմուկը սահմանում են որպես թրթռիչներ, որոնք անցնում են օդով և գտնվում են մարդու լսողության ընկալման տիրույթում: Ընդունելի մակարդակը գերազանցող բարձր ձայները, հատկապես երկարատև ազդեցության դեպքում, առողջության համար լուրջ վտանգ են ներկայացնում:

Դրանք կարող են առաջացնել ականջի զնգոց, ուղեղի և լսողության օրգանների միջև հաղորդակցության խաթարում: Ծանր դեպքերում դա հանգեցնում է լսողության ամբողջական կորստի: Համաձայն ԱՀԿ տվյալների, Եվրոպայում յուրաքանչյուր յոթերորդ չափահաս մարդ տառապում է ականջի զնգոցով:

Բացի լսողական խնդիրներից, աղմուկի աղտոտվածությունը ազդում է սրտանոթային և մարսողական համակարգերի վրա: Բարձր ձայներից առաջացած քնի խանգարումները կարող են առաջացնել սթրես, նյարդային համակարգի հետ կապված խնդիրներ և իմունիտետի թուլացում, ինչը մեծացնում է քրոնիկական հիվանդությունների զարգացման վտանգը։

Գիտնականները կոչ են անում ավելի մեծ ուշադրություն դարձնել քաղաքներում աղմուկի մակարդակի նվազեցմանը և քնի պայմանների բարելավմանը` առողջության վրա բացասական ազդեցությունները նվազագույնի հասցնելու համար: