Ձեր վստահելի աղբյուրը

Չկարողանալավ տնտեսության մեջ իրական աճ ապահովել՝ Հայաստանի կառավարությունը որդեգրել է ծառայությունների, գների թանկացման և հարկերի բարձրացման քաղաքականություն, որն ամբողջ ծանրությամբ ընկնում է սովորական քաղաքացու ուսերին։ Չնայած 2024 թվականի մի շարք թանկացումներին՝ բյուջեով նախատեսված հարկային մուտքերն արդեն երրորդ եռամսյակն է ինչ թերակատարվում  են։

2024թ

-2024 թվականի հունվարի 1-ից  Հայաստանում թանկացավ գույքահարկը՝ 2023 թվականի համեմատ բարձրանալով 43 %-ով։

-Անցնող տարում կառավարությունը Երևանի քաղաքապետարանի հետ որոշեց, որ պետք է թանկացնեն մեքենաների կայանատեղերի համար վճարները (կարմիր գծերը) ՝ Երևանի կենտրոնում 12 հազար դրամի փոխարեն, այս տարի հասցնելով 160 հազար դրամ։ 

-2024 թվականի առաջին օրը 10 %-ով թանկացավ ալկոհոլային խմիչքի և ծխախոտի ակցիզային հարկերը, ինչն իր հետ բերեց լայն սպառման այդ ապրանքների գների բարձրացման։

-2024 թվականի սեպտեմբերից տաքսի ծառայություններ մատուցող տասնյակ հազարավոր քաղաքացիներ պարտադրված եղան իրենց տեղափոխումները գրանցել էլեկտրոնային հարթակում և ստացած եկամուտից կանխիկ դրամով վճարումների ընդունման դեպքում պետական տուրք վճարել 2 %-ի չափով, անկանխիկի դեպքում՝ 1,5%, ինչը գանձվելու է մատուցված արժեքի ծախսից։

-Շինթույլտվությունների տեղական տուրքերը բարձրացել են 2-ից 10 անգամ։

-2024 թ. բնակարանը վարձով տվող քաղաքացիները հարկվում են 10 %-ով։

-Միկրոբիզնեսում գործատուները 5000 դրամի փոխարեն յուրաքանչյուր աշխատողի համար 20% եկամտահարկ են վճարում։ 

-Դատարան դիմելու պետական տուրքը 4 հազար դրամից հասվել է 20 հազար, իսկ վերաքննիչ դիմելու տուրքը 10 հազարից դարձրել են 30 հազար դրամ։

2025թ.

-2025 թվականից տաքսի ծառայություն մատուցողների համար տուրքը կկազմի 2,5 և 3,5%։ 2026 թվականից էլ 5 % կլինի կանխիկի դեպքում, 4% ՝ անկանխիկի։

-2025 թվականի հունվարի 1-ից երևանցիների և Երևանի այցելուների համար հանրային տրանսպորտը կթանկանա առնվազը 2-3 անգամ՝ միասնական տոմսայիան համակարգի «ներդրման և բարեփոխումների» անվան տակ։

-2025 թվականին գույքահարկի բարձրացումը կկազմի 70-80 %։ Հիմնական ծանրությունը Երևանի բնակիչների վրա է։ Ըստ գոտիականությունը, Կենտրոն և Արաբկիր վարչական շրջանների բնակիչները տարեկան վճարելու են  600.000-800.000  հազար դրամ գույքահարկ, իսկ մյուս գոտիներում և մարզերում ամսական 5-10 հազար դրամի փոխարեն, քաղաքացիները կվճարեն 60-70 հազար դրամ։  Այս թանկացումը վերաբերելու է 432 հազար բնակարանի։ 

-Կառավարությունը նաև նախատեսում է Հարկային օրենսգրքի նոր փոփոխությամբ 12.800 սուբյեկտի շրջանառության և միկրոձեռնարկատիրության հարկման դաշտից տեղափոխել ընդհանուր հարկման դաշտ, ինչի հետևանքով նրանց հարկային բեռը բարձրանալու է 35-45 %-ով։ Նոր հարկման տակ կհայտնվեն անվճար իրավաբանական ծառայություններ մատուցողները, հաշվապահները, կառավարման հարցերով խորհրդատուները, մասնավոր շինարարություն իրականացնողները և այլ սուբյեկտներ։ Սա նշանակում է, որ համապատասխան չափով թանկանալու են այն ծառայությունների գները, որոնք մատուցում են այդ սուբյեկտները։

-2024 թվականին ԱԺ-ի ՔՊ-ական մեծամասնությունը օրենք ընդունեց, որով 2025 թվականի հունվարի 1-ից փաստաբանները 5 տոկոսանոց շրջանառության հարկի փոխարեն՝ կվճարեն ավելի շատ հարկ՝ շահութահարկ և ավելացված արժեքի հարկ՝ համապատասխանաբար՝ 18 և 20 % համամասնությամբ։

-2025 թվականի հունվարի 1-ից ուժի մեջ են մտնում հիփոթեքային վարկի սպասարկման համար վճարված տոկոսների մասով եկամտային հարկի վերադարձի օրենսդրական փոփոխությունները։ Մասնավորապես, Հարկային օրենսգրքով  սահմանվել է, որ հիփոթեքային վարկի սպասարկման համար վարձու աշխատող հանդիսացող ֆիզիկական անձի վճարած տների մասով եկամտային հարկը չի վերադարձվելու։

-2025 թվականից եկամտի հայտարարագիր են ներկայացնելու բոլոր աշխատող քաղաքացիները։

Սովորական քաղաքացիների հարկային բեռը բարձրացնելու կառավարության քայլերը մեկնարկեցին 2020 թվականին՝ այսպես կոչված «Համահարթ եկամտային քաղաքականություն» ներդնելով, երբ եկամտահարկի դրույքաչափերը՝ հատկապես բարձ եկամուտ ունեցողների համար իջեցվեցին և ներկայում տարբեր հարկատեսակների և թանկացումների միջոցով այն փոխհատուցում են սովորականան քաղաքացիները։

Արձանագրենք, որ համատարած թանկացումների այս ֆոնին հայրենի կառավարությունը և ԱԺ ՔՊ-ական մեծամասնության պատգամավորները հայտարարել են, որ 2025 թվականին բյուջեով աշխատավարձի և թոշակների բարձրացում չի նախատեսվում։