Ձեր վստահելի աղբյուրը

Վրաստանի բանտարկված երրորդ նախագահ Միխեիլ Սաակաշվիլին հայտարարել է, որ «Վրաստանը թևակոխել է պետականության կործանման վերջին փուլը»,-բրա խոսքերին անդրադարձել է newsgeorgia-ն։

Սաակաշվիլին այսպես է մեկնաբանել «Վրացական երազանք»-ի կողմից նախկին ֆուտբոլիստ, այժմ պատգամավոր Միխեիլ Կավելաշվիլիին նախագահի թեկնածու առաջադրելը։

«Վերջին նման դեպքը տեղի ունեցավ Հռոմեական կայսրությունում, երբ Կալիգուլան իր ձիուն նշանակեց Սենատ։ Դրա նպատակը վրաց ժողովրդի ինքնագնահատականը հնարավորինս իջեցնելն է»,-ասել է Սաակաշվիլին։

Չորեքշաբթի Բիձինա Իվանիշվիլին անձամբ ներկայացրեց Միխայիլ Կավելաշվիլիին որպես նախագահի թեկնածու. նա պետք է «ընտրվի» պատգամավորների և տարածաշրջանային ներկայացուցիչների ընտրական կոլեգիա կողմից, որում ձայների մեծամասնությունն ունի «Վրացական երազանքը»։ «Ընտրությունները» տեղի կունենան դեկտեմբերի 14-ին, այլ թեկնածուներ այս պահին չկան։

Մինչ այսօր Կավելաշվիլին չէր ընդգրկվել Վրաստանի ամենասիրված քաղաքական գործիչների վարկանիշում։

Լրատվամիջոցները նշում են, որ Կավելաշվիլին բարձրագույն կրթություն չունի, և մինչ 2016 թվականին «Վրացական երազանքի» ցուցակով խորհրդարան գալը նա զբաղվել է սպորտով։ Ընդդիմադիր հրապարակումները ենթադրում են, որ իշխող կուսակցության հիմնադիր Բիձինա Իվանիշվիլին ընտրել է Կավելաշվիլիին՝ ելնելով անձամբ նրա հանդեպ ունեցած հավատարմությունից։

«Վրացական երազանք»-ը նշում է, որ Կավելաշվիլին «իսկական վրացի է հոգով, սրտով և մարմնով»։ Իսկ GM ներկայացուցիչ Մամուկա Մդինարաձեն ասել է, որ «Կավելաշվիլին շատերից ավելի կրթված է նույնիսկ առանց դիպլոմի», իսկ Վրաստանի Սահմանադրությունը չի պահանջում այդ փաստաթուղթը։