Ձեր վստահելի աղբյուրը

«Ազատազէն» հասարակական կազմակերպության ղեկավար, Արցախյան 44-օրյա պատերազմի մասնակից Իշխան Գևորգյանը, արձագանքելով Նիկոլ Փաշինյանի՝ այսօր հնչեցրած հայտարարությանը, գրում է.

«Ինչքան ուժ կա հավաքած պիտի փորձեմ առանց չափը անցնելու...

Ինչքան «վատը» պիտի լինես որ ազգ-բանակը զուգահեռ տանես ազգ-նահատակի հետ:

Քանի հատ ազգ-բանակ գիտեք որ ազգ-նահատակ է դառել:

Իսկ ընդհանրապես որևէ ազգ-բանակ գիտե՞ք։

Ինչքան «վատը» պիտի լինես, որ քո մի թևը` ԱԽՔ-ը, փորձի համապարփակ անվտանգության համակարգ ներդնել իսկ նույն ժամանակ դու դա համեմատես ազգ-նահատակի հետ:
Ինչո՞ւ եք դուք ամեն ինչ անում, որ մեր նահատակներին վերածեք «մեռելների»։

Ինչու մենք ձեր իսկ կոչով կռվեցինք ու հող պահեցինք այդ թվում նահատակների կյանքերով, բայց դուք 3 տարի հետո նույն հողի պաշտպանությանը չթողեցիք մասնակցենք, ստիպեցիք հեռուստացույցով գաղթ նայենք ու Ադրբեջանի մաս ճանաչեցիք մեր իսկ կյանքերով պահածը:

1 տասնյակ մարդ կա ձեր կուսակցությունում, ով զոհված հարազատ ունի ձեր հրամանատարության տակ եղած սպանդերից գոնե մեկում։

Ձեր կարդացած նորություններում չի գրված՝ թե ինչ է կատարվում աշխարհում։
Աշոտիկը չի՞ պատմել՝ մեր վրա հարձակվողների տրամադրվածությունը ոնց էր։

Հայաստանը որ ֆիրմա լիներ ձեր սորտի ղեկավարներով, առանց գործ գտնելու դուրս կգայի:

Բայց հայրենիք ու տուն է, դրա համար պիտի համ թշնամու դեմը առնելու մասին մտածես, համ սրանց, համ սրանց հին ու նոր փոխարինողների, համ էլ ընտանիքդ պահես էդ ընթացքում:
Դուք շատ «վատն» եք:
Ձերը ազգ-բանակը չի, ժողջան-ԲԱՆԿ-ն է»։