Փաշինյանն ընդամենն ասում է, որ եթե 1-2 տարի դիմանար իշխանության լծակների մոտ, ապա իր իշխանությանը վտանգ չի սպառնա. Լարիսա Ալավերդյան
Այսօր՝ դեկտեմբերի 3-ին ԱԺ-ում 2025 թ. բյուջեի քննարկման ժամանակ Նիկոլ Փաշինյանը հայտարարեց. «Երկու տարի առաջ այս ամբիոնից հայտարարել եմ, ասել եմ՝ եթե մեզ հաջողվի 1-2 տարի պահել մեր պետականությունը, դա նշանակում է, որ մենք առաջիկա 100-ամյակում պետություն ունենալու իրական հնարավորություն ենք ստեղծել և ստեղծում: Եվ ահա երկու տարի անց ես կանգնած եմ ՀՀ խորհրդարանի ամբիոնին՝ որպես ՀՀ վարչապետ, և պիտի այսպիսով արձանագրեմ, որ միջնաժամկետում մեր դարավոր և ռազմավարական խնդիրը լուծված է»:
Panorama.am-ը հարց ուղղեց ՀՀ նախկին ՄԻՊ Լարիսա Ալավերդյանին, թե իրականում ինչի՞ մասին է խոսում Հայաստանի Հանրապետությունը և Արցախը գոյաբանական հիմնախնդրի առաջ կանգնեցրած Նիկոլ Փաշինյանը։
«Ես ցանկանում եմ հանդես գալ լրագրողներին ուղղված առաջարկությամբ ՝ կազմել բառարան, թե տվյալ տերմինն օգտագործելով ինչ է հասկանում վարչապետի պաշտոնը զբաղեցնող անձը։ Մասնավորապես՝ երբ նա ասում է «պետականություն» նա նկատի ունի անձամբ իրեն և իրեն ամբողջովին ենթարկվող շրջապատը։ Ինքն ասում է, որ եթե այդ թիմն իր գլխավորությամբ 2 տարի դիմանա իշխանության լծակների մոտ, ապա այդ իշխանությանը վտանգ չի սպառնում։
Միայն այսօր չէ, որ ես ստիպված եմ թարգմանել այդ բոլոր խոսքերը։ Որովհետևա այդ գաղափարախոսությամբ, որի կրողն է այդ թիմը, բացարձակապես հակառակ իմաստներն են դրվում բոլոր այն տերմինների վրա, որը մենք սովորույթի համաձայն հասկանում ենք։ Այս առումով խոսքը գնում է նրա մասին, որ այն վտանգը, որն սպառնում էր այս իշխանությանը, այս իշխանավորներին, ինքը համարում է արդեն անցած։ Իրական պետականության հետ որևէ աղերս չունի ոչ երկու տարի առաջ իր հայտարարածը, ոչ էլ այսօրվանը։ Սա առաջին։
Երկրորդ։ Արդյո՞ք ինքը ճիշտ է։ Իրականում այս հարցը ծառացած է, ոչ թե իր թիմի առջև, այլ՝ մեր հանրության։ Եթե լայն հասարակությունը այս երկու տրավա ընթացքում այդպես էլ չկարողացավ իր համար պարզաբանել, որ այն քաղաքականությունը, որը վարում է այս թիմը, մեզ տանում է դեպի Դեր Զորի ճանապարհով դեպի հայտնի ավարտը, որովհետև, դատելով արդյունքներից, այս թիմը սպասարկում է թուրք-ադրբեջանական ցեղասպանական քաղաքականությունը։ Խնդիրն միայն այս է։ Իսկ այն, թե ինչքանով մենք կկարողանանք կամ չենք կարողանա տիրապետել այս իրավիճակին, կախված է ոչ այնքան օրվա իշխանությունից, այլ մեր ազգային ներուժից։
Այս խնդիրն վաղուց արդեն իշխանության դաշտից տեղափոխվել է դիմադրող հասարակության համապատասխան շերտի ուսերին, ոչ միայն ընդդիմության իմաստով»,- ասաց Լարիսա Ալավերդյանը։
Հարակից հրապարակումներ`
Լրահոս
Տեսանյութեր
Ժողովուրդը լրիվ անտեսված է, ամեն ինչ ի շահ իշխանության է արվում. Երևանցիները՝ տրանսպորտի մասին
