Վազգեն Մանուկյանը ցավակցագիր է հրապարակել պրոֆեսոր Հայրապետ Գալստյանի մահվան կապակցությամբ
ՀՀ նախկին վարչապետ Վազգեն Մանուկյանը ցավակցագիր է հրապարակել անվանի բժիշկ, պրոֆեսոր Հայրապետ Գալստյանի մահվան կապակցությամբ։
«Անվանի բժիշկ, ուռուցքաբան, պրոֆեսոր Հայրապետ Գալստյանն անգնահատելի դեր է խաղացել Հայաստանում ուռուցքաբանության զարգացման գործում, որի նպատակն էր մահաբեր հիվանդության դեմ պայքարը։
Կյանքի մեծագույն մասը նվիրելով ոլորտի ուսումնասիրությանն ու զարգացմանը՝ նա ոչ միայն ահռելի գիտական աշխատանք է կատարել, այլև որպես բժիշկ՝ փրկել հազարավոր կյանքեր։
Որպես հեղինակավոր բժիշկ-գիտնական՝ Հայրապետ Գալստյանը ներգրավված էր նաև Հանրային խորհրդում, որտեղ նրա հասարակական գործունեությունը միտված էր Հայաստանում առողջապահության խնդիրների բարձրացմանն ու դրանց լուծմանը։
Ցավակցում եմ Հայրապետ Գալստյանի ընտանիքին, հարազատներին ու գործընկերներին»,-ասվում է Վազգեն Մանուկյանի ցավակցագրում։