Ձեր վստահելի աղբյուրը

«Լուրջ ես ասում, հըլը դու Հակոբ Ասլանյանին հարցրու՝ ինքը իրեն տարեց է՞ համարում»,-արձագանքելով լրագրողի դիտարկմանը, թե ՔՊ խմբակցությունում տարեց պատգամավորներից ազատվելու միտում է նկատվում, և արդյոք ինքը մտահոգություն չունի այդ առումով՝ պատասխանեց ԱԺ ՔՊ խմբակցության տարեց անդամ Անդրանիկ Քոչարյանը։

Նա հայտարարեց, որ իրեն հեռացման վտանգ չի սպառնում, եթե սպառնա, ապա լրագրողը կմնա անպաշտպան, քանի որ ինքը Պաշտպանության և անվտանգության հարցերի հանձնաժողովի նախագահն է։

Չընդունելով լրագրողի դիտարկումը, որ ՔՊ-ն դուրս է եկել իր տարեց պատգամավորների դեմ՝ Քոչարյանն ասաց. «Լավ, վերջ տուր, ՔՊ-ն ոչ մեկի դեմ դուրս չի եկել»։

ՔՊ-ական պատգամավորը պատմնեց,  թե ինչեպես է ՆԱՏՕ-ի խորհրդարանական վեհաժողովում, որտեղ ՀՀ-ն մասնակցել էր որպես ասոցացված անդամ, իրենց մոտեցել Չավուշօղլուն․

«Այնտեղ կոնտակտ ունեցանք նաև մեր «դարավոր թշնամու» ներկայացուցիչների հետ։ Չավուշօղլուն մոտեցել է մեզ և զրույց ենք ունեցել։ Մենք չենք նախաձեռնել, ինքն է մոտեցել։ Նա խոսում էր խաղաղության, դրա հնարավորությունների մասին... Հիմա սա վա՞տ է։ Կարծում եմ, որ շատ լավ է»,-ասաց Անդրանիկ Քոչարյանը։

Պատասխանելով Արմեն Փամբուխչյանի հետ կապված իր աղմկալից հայտարարության մասին հարցին՝ Քոչարյանն ասաց, թե եթե կան խնդիրներ, ապա դրանք ոչ թե պեք է լարվածության օջախների վերածվեն, այլ լուծվեն։

«Մոտ օրերս մի հատ սենց լավ բացահայտում է լինելու, բայց ոչ այն դաշտում, որը լրագրողները փնտրում են, սակայն այն ՀՀ-ի համար շատ կարևով  է լինելու՝ անվտանգային տեսանկյունից»,- հայտարարեց Քոչարյանը և նշեց, որ, որպես քննիչ հանձնաժողովի անդամ տեղեկացված է, բայց չի կարող դրա մասին բացահայտել, որովհետև կստացվի, որ ինքը պետական գաղտնիք է հրապարակել։