Ձեր վստահելի աղբյուրը

Աշխատանքի միջազգային կազմակերպության (ԱՄԿ) զեկույցի համաձայն, 2022 թվականի վերջում աշխատող միգրանտները կազմում էին համաշխարհային աշխատուժի 4,7%-ը:

Կազմակերպության տվյալներով, 2022 թվականին աշխատանքային միգրանտների թիվը հասել է 167,7 միլիոն մարդու (որից 102,7 միլիոն միգրանտները տղամարդիկ են, իսկ 64,9 միլիոնը՝ կանայք)։ 2013 թվականի համեմատ այս ցուցանիշն աճել է 30 միլիոնով։

Գազետա.ռու-ի հաղորդմամբ, միգրանտների գրեթե 70%-ը բնակություն է հաստատել բարձր եկամուտ ունեցող երկրներում, իսկ 17,4%-ը՝ միջինից բարձր եկամուտ ունեցող երկրներում։ Շատ դեպքերում աշխատանքային միգրանտները մնացել են Հյուսիսային, Հարավային և Արևմտյան Եվրոպայում, Հյուսիսային Ամերիկայում և արաբական երկրներում։

Երեքշաբթի օրը Գերմանիայի նախկին կանցլեր Անգելա Մերկելը, ով այդ պաշտոնը զբաղեցրել է 2005-2021 թվականներին, կարծիք է հայտնել, որ Եվրոպայի ներքին սահմանների փակումը անօրինական միգրացիայի խնդրի լուծում չէ։