Ռուս գեներալ Կիրիլովի uպանnւթյան գործով ձերբակալվել է Ուզբեկստանի քաղաքացի՝ հավաքագրված Ուկրաինայի կողմից
ՌԴ ԶՈւ ռադիացիոն, քիմիական և կենսաբանական պաշտպանության զորքերի պետ Իգոր Կիրիլովի և նրա օգնականի սպանության գործով ձերբակալվել է Ուզբեկստանի 29-ամյա քաղաքացի։ ՏԱՍՍ-ի հաղորդմամբ, այս մասին հայտնում է Ռուսաստանի Անվտանգության դաշնային ծառայության հասարակայնության հետ կապերի կենտրոնը:
Նա պատմել է, որ իրեն հավաքագրել են ուկրաինական հատուկ ծառայությունները: Նրան պանությունը կատարելու համար վարձատրություն են խոստացել՝ 100 հազար դոլար և մեկնել Եվրամիություն։
Ռիա նովոստին գրում է, որ Ուզբեկստանի ՆԳՆ-ն դեռ տեղեկություն չունի Մոսկվայում ահաբեկչություն իրականացնելու համար ձերբակալված Ուզբեկստանի քաղաքացու մասին։
«Մենք դեռ տեղեկություն չունենք»,- ասել է Ուզբեկստանի ՆԳՆ ներկայացուցիչը՝ պատասխանելով հարցին, թե արդյոք նախարարությունը ռուսական կողմից տեղեկություն ունի Կիրիլովի սպանության կասկածանքով Ուզբեկստանի քաղաքացու ձերբակալության մասին։
Հիշեցնենք, որ երեքշաբթի առավոտյան Մոսկվայի Ռյազանսկի պողոտայում տեղի ունեցած պայթյունի հետևանքով զոհվել է գեներալ-լեյտենանտ Իգոր Կիրիլովը։ ՌԴ Քննչական կոմիտեի տվյալներով, պայթուցիկ սարքը տեղադրված է եղել Կիրիլովի տան մոտ կայանված սկուտերում։
Հարակից հրապարակումներ`
- Զախարովան ասել է՝ գիտի, թե ով է uպшնել գեներալ Կիրիլովին
- Զnhված գեներալը հայտնել էր, որ իր նկատմամբ որս է սկսվել
- Մոսկվայում շենքի մուտքի մոտ պայթյունի հետևանքով հավանական է, որ ՌԴ ԶՈւ գեներալ-լեյտենանտ է զոհվել
Լրահոս
Տեսանյութեր
Իրավապաշտպան. Ադրբեջանի համագործակցության կոչ-առաջարկն իրավական հիմնավորումներ չունի