Ձեր վստահելի աղբյուրը

Լեհաստանի քաղաքացիների մեծ մասն առաջին անգամ կողմ են արտահայտվել Ուկրաիանայում պատերազմի ավարտին թեկուզ տարածքային կամ ինքնիշխանության զիջումների գնով։ Այս մասին հայտնում են ուկրաիանական ԶԼՄ-ները՝ վկայակոչելով Հասարակական կարծիքի ուսումնասիրման կենտրոնի (CBOS) հարցման արդյունքները։

CBOS-ը նշել է, որ Ուկրաինայում Ռուսաստանի կողմից  լայնածավալ ռազմական գործողությունների մեկնարկից ի վեր առաջին անգամ լեհերի շրջանում գերակայում է այն կարծիքը, որ գլխավոր առաջնահերթությունը պետք է լինի խաղաղության հասնելն ու ռազմական գործողությունների դադերցումը, եթե նույնիսկ դա Կիևից պահանջում է զիջումներ։

Ըստ հարցման արդյունքների, նման կարծիք է հայտնել լեհերի 55 տոկոսը, այս տարվա սեպտեմբերին նման կարծիք ունեցողները կազմում էին 39 տոկոս, իսկ 2022-ի ապրիլին՝ 26 տոկոս։ Հարցվածների 31 տոկոսը հայտնել է, որ Ուկրաիանան պետք է շարունակի պայքարը առանց որևէ զիջումների։ Համեմատության համար նշենք, որ 2024-ի սեպտեմբերին նման կարծիք հայտնել էր հարցվածքների 46 տոկոսը, իսկ 2022-ի ապրիլին՝ 59 տոկոսը։

Ինչպես նշում է Հասարակական կարծիքի ուսումնասիրման կենտրոնը, լայնամասշտաբ պատերազմի տարբեր փուլերում լեհերի շրջանում գերակշռում էր այն կարծիքը, որ ուկրաինացիները, Արևմուտքի աջակցությամբ, պետք է շարունակեն պայքարը և ոչ մի զիջում չանեն Ռուսաստանին։

Սակայն այս դիրքորոշման կողմնակիցների թիվը պատերազմի երկրորդ տարվա սկզբից աստիճանաբար նվազում է, և վերջին երեք ամսում այդ ցուցանիշը նվազել է ևս 10%-ով։

Ըստ հետազոտության՝ Ուկրաինայի և Ռուսաստանի միջև խաղաղ բանակցություններին աջակցող լեհերի մեծամասնությունը 18-24 տարեկան մարդիկ են, փոքր քաղաքների բնակիչներ, ավելի քիչ կրթություն ունեցողներ, ինչպես նաև նրանք, ովքեր իրենց ֆինանսական վիճակը գնահատում են որպես աղքատ, հավատարիմ են կրոնական համոզմունքներին և ունեն աջ քաղաքական հայացքներ։