Ձեր վստահելի աղբյուրը

«Մենք ի սկզբանե արձանագրել ենք՝ ողջ մնացած և դեպքի վայրում գտնված զինծառայողների ցուցմունքները ողջ դատական վարույթում, այնպես էլ դատական վարույթի ընթացքում հակասական են։ Նույն անձիք  նախկինում տված ցուցմունքների և ներկայումս տված ցուցմունքերի միջև տալիս են հակասական ցուցմունքներ»,- լրագրողների հետ զրույցում նշեց Ազատ գյուղում զինվորական կացարանի հրդեհի գործով փաստաբան Նորիկ Նորիկյանը։

Նրա խոսքով՝ այսօր տեղի ունեցած դատական նիստին Եղիշե Հակոբյանը մեկ անգամ ևս վերահաստատել է իր վարկածը կամ իր դատողությունները, որ ինքն է այրել զինվորական կացարանը։

«Ակնհայտ է, որ նա նախաքննության ընթացքում պարզապես  թաքցրել է մի քանի իրողություններ։ Մասնավորապես, Լևով Խարատյանի և Ռադիկ Մաթևոսյանի այնտեղ լինելու հանգամանքը»,- ասաց Նորիկյանը։

Փաստաբանի խոսքով՝ հարց է առաջանում, թե ինչն է եղել պատճառը, որ Եղիշե Հակոբյանը լռել է այդ մասին ։

«Նա նաև թաքցրել է, որ դեպքի օրը  մի քանի ժամ առաջ մեկ այլ  զինծառայողի ծնողներ, ընկերների հետ միասին  գտնվել են կացարանում և որոշակի խոսակցություն է տեղի ունեցել»,- ասաց փաստաբանը։

Ավելի մանրամասն՝ տեսանյութում։