Ձեր վստահելի աղբյուրը

«Նիկոլ Փաշինյանը մեզ՝ հանրությանը, մեսիջ է ուղարկում, թե՝ սիրելի հանրությո՛ւն, մեր իշխանության այլընտրանքը Կարգին Հայկոն է»,-անդրադառնալով Տիգրան Ավինյան-Հայկ Մարության հեռուստաբանավեճին՝ ֆեյսբուքյան ուղիղ եթերում ասաց «Արդար Հայաստան» կուսակցության ղեկավար  Նորիկ Նորիկյանը։

Նրա մատուցմամբ՝ 2026 թվականին գործող ՔՊ-ին պետք է փոխարինեն նախկին ՔՊ-ականով։

Նորիկյանը հայտնեց, որ երկուսն էլ ձախողել են երևանի կառավարումը, չեն կատարել երևանցիներին տված խոստումները և շարունակում են խաբել քաղաքացիներին։

«Եթե մեր քաղաքացիները պետք է ընտրություն անեն Տիգրան Ավինյանի, Նիկոլ Փաշինյանի և Հայկ Մարությանի միջև, ապա խմնդրեմ՝ կատարեք այդ ընտրությունը»,-ասաց «Արդար Հայաստան» կուսակցության ղեկավարը։

«Նիկոլ Փաշինյանին հաջողվել է ժողվորդին հավատացնել, որ Տարոն Մարգարյանն է իր իշխանության ընդդիմությունը։ Իշխան Զաքարյանն է Նիկոլ Փաշինյանի ընդդիմությունը, Սերժ Սարգսյանն է, Ռոբերտ Քոչարյանն է իր իշխանության ընդդիմությունը։ Լևոն Քոչարյան եք աճեցնում, որ ինչ անեք՝ 2026 թվականին նորից շարունակեք «Նիկոլ, թե Սերժ Սրագսյան», «Նիկոլ, թե Քոչարյան» մանիպուլյացիա՞ն։ Մեր ժողովուրդը պետք է հասկանա, որ նման հաճույք Նիկոլ Փաշինյանին չպետք է պատճառել»,-ասաց Նորիկյանը։

Նրա խոսքով՝ Նիկոլ Փաշինյանը ժողովրդին համոզել է, որ իր ընդդիմությունն է Սերժ Սարգսյանը, Ռոբերտ Քոչարյանը և որպեսզի նրանք չվերադառնան, ինքը պետք է մնա իշխանության։

Անդրադառնալով Իլհամ Ալիևի հայտարարությանը, թե Հայաստանում «ռևանշիստական» ուժերը ուզում են իշխանության գալ՝ նկատի ունենալով Սերժ Սարգսյանին և Ռոբերտ Քոչարյանին՝ Նորիկ Նորիկյանը ենթադրեց, որ Ադրբեջանը և Ռուսաստանը ձգտումեն որպեսզի Նիկոլ Փաշինյանը մնա իշխանության։

Ռուսաստանը, ըստ Նորիկյանի, այդ տրամաբանության մեջ նույնպես շահագրգռված է, որ Նիկոլ Փաշինյանը մնա իշխանության, որովհետև իրեն Անդրկովկասում նոր պատերազմ պետք  չէ։

Վերևում շարադրված թեզերից Նորիկյանը եզարկացության եկավ, որ Հայաստանին պետք է որակապես նոր իշխանություն, իսկ վերջինս ենթադրում է բոլոր ուժերին՝ բացառությամբ Նիկոլ Փաշինյանի, Սերժ Սրագսյանի և Ռոբերտ Քոչարյանի։