Ձեր վստահելի աղբյուրը

«Լյուստրացիա տեղի կունենա, ով քվեարկի այս նախագծին, առնվազն իշխանության կողմնակից է»,-«կարմիր գծերի» թանկացում ենթադրող նախագիծը քվերակելուց առաջ հայտարարեց ավագանու «Մայր Հայաստան» խմբակցության ղեկավար Մանուկ Սուքիասյանը՝ նշելով որ ընդդիմությունը որոշել է չմասնակցել քվեարկությանը, որպեսզի անհրաժեշտ 33 ավագանու անդամի քվեարկություն չապահովվի և օրինագիծը չընդունվի։

Սուքիասյանը նաև քաղաքացիներին կոչ արեց «կարմիր գծերի» համար տարեկան վճարումներ չանել, դեռևս բավարարվել փոքր փաթեթներով, քանի որ  հնարավոր է, որ վերաքննիչ և  վճռաբեկ դատարաններում էլ հաղթեն և կարմիր գծերի վճարներն ընդհանրապես  չեղյալ համարվեն։

Տիգրան Ավինյանը մինչև քվեարկությունը 15 րոպեանոց ընդմիջում հայտարարեց։

Ընդմիջումից հետո քաղաքապետը ավագանու ՔՊ-ական անդամներին մի քանի անգամ հորդորեց քվեարկելիս հեռախոսները հեռու պահել քվեարկության սարքից, քանի որ այն ինքնաշխատ եղանակով ավագանու անդամին թույլ չի տալիս քվեարկել։

Քվերակության արդյունքում ՔՊ-ական ավագանու բոլոր 32 անդամների կողմ ձայներով և 1 ձեռնպահ չայնով օրինագիծն ընդունվեց։

Միակ ձեռնպահ քվերակողը ավագանու «Հանրային ձայն» խմբակցությունը լքած և անկախ համարվող Գրիգոր Հարությունյանն էր, որն հայտարարեց, թե պատահաբար է քվեարկել, սական տեսագրությունից երևում է, որ քվերակությունից առաջ բոլոր ընդդիմադիրները իրնց քվեարկության քարտերը համապատասխան սարքերից հետ են քաշում և դնում են դրամապանակների մեջ, իսկ վերջին շարքում նստած Հարությունյանն ընդհակառակը՝ հանում է քարտը և քվեարկության համար մոտեցնում սարքին։