Ձեր վստահելի աղբյուրը

«Ուզում եմ երևանցիներին տեղեկացնել, որ բերված նախագծով բնակելի շինութունների կոշտ կենցաղային թափոնների դրույքաչաքը նախկին անձով հաշվարկելու փոխարեն, 1 ք/մ-ի համար 13 դրամ դրույքաչափ է սահմանվել։ Պարոն Ավինյա՛ն, կարծում եմ, որ դուք պատմության մեջ կմտնեք որպես թանկացումների քաղաքապետ»,-Ավագանու նիստում ասաց «Աղգային առաջընթաց» խմբակցության անդամ Հայկ Գրիգորյանը՝ ելույթ ունենալով «Տեղական տուրքերի 2025 թվականի դրույքաչափերի մասին» որոշման նախագծի քննարկման ժամանակ։

Նա հայտնեց որ աղբի վճարը կրկնակի է թանկանում, եթե մեկ սենյականոց բնակարանում մեկ հոգի է ապրում։

Հարցնելով, թե աղբի դիմաց անձի փոխարեն քառակուսի մետրով գանձում սահմանելու նպատակը եղել է բյուջեն լցնելը, թե այլ վարչական խնդիր լուծելը՝ Գրիգորյանն ասաց. «Փաստացի, կարող է մի իրավիճակ ստեղծվել, որ տվյալ բնակարանում որևէ մեկը չի բնակվում, կամ 100 ք/մ տարածքով բնակարանում մեկ մարդ է բնակվում և նա 5 անգամ ավել գումար պետք է վճարի»։

Հարցը զեկուցող քաղաքապետարանի Եկամուտների հաշվառման և գանձման վարչության պետի ժամանակավոր պաշտոնակատար Դավիթ Հակոբյանը բացատրեց, որ միջին վիճակագրական հաշվարկներով է սահմանվել 1ք/մ-ն 13 դրամ և այն կրկնակի ավել չէ նախկինում գանձվող գումարից։