Ձեր վստահելի աղբյուրը

«Ավարտվում է Եվրասիական տնտեսական միության մարմիններում Հայաստանի Հանրապետության նախագահության ժամկետը»,- Սանկտ Պետերբուրգում Եվրասիական բարձրագույն խորհրդի նիստի ժամանակ հայտարարեց Նիկոլ Փաշինյանը, որը կորոնավիրուսի վարակ պատճառով նիստը վարում է հեռավար։

«Մեր նախագահության հիմնական առաջնահերթությունները, ինչպես հայտնի է, ընդգրկում էին տնտեսական փոխգործակցության առանցքային ոլորտները՝ էներգետիկ ոլորտում ընդհանուր շուկաների ստեղծումը, ԵԱՏՄ ներքին շուկայում խոչընդոտների վերացումը, տրանսպորտային և լոգիստիկ ենթակառուցվածքների զարգացումը և միջազգային հարաբերությունների ամրապնդում»,- նշեց նա։

Նրա խոսքով, «առաջնահերթությունների թվում էին նաև համագործակցության ներուժի և թվային տեխնոլոգիաների զարգացումը, ինչպես նաև ՏՏ համայնքների ջանքերի համախմբումը գյուղատնտեսության ոլորտում նորարարական լուծումներ ներմուծելու ուղղությամբ»։

«ԵԱՏՄ մարմիններում Հայաստանի նախագահության առաջնահերթությունների իրականացման ԵՏՀ գործողությունների ծրագիրն ինտենսիվ էր և արտացոլում էր իմ հունվարյան ուղերձում ուրվագծված ընթացիկ ուղղությունները։ Համոզված եմ, որ մանրամասները Հանձնաժողովի կողմից ավելի մանրամասն կքննարկվեն պլանի իրականացումն ամփոփելիս։

Օգտվելով առիթից՝ ցանկանում եմ իմ երախտագիտությունը հայտնել Խորհրդի անդամներին Հայաստանի նախագահության նախաձեռնությունների գործնական իրականացմանն աջակցելու համար, ինչպես նաև շնորհակալություն հայտնել ԵՏՀ-ին, Կոլեգիայի նախագահ Բակիտժան Սագինտաևի գլխավորությամբ, կատարված աշխատանքի համար»,- ասաց Փաշինյանը։