Ձեր վստահելի աղբյուրը

Հանրային կառավարման փորձագետ Հովհաննես Ավետիսյանը գրում է. 

«Մի հարցազրույց լսեցի քիչ առաջ, բավականին համբերատար: Ցավոք, մեզանում սահուն դատարկախոսությունն ու պոռոտախոսությունը անվանում են քաղաքականություն, իսկ սա անողներին՝ քաղաքական գործիչ:

Քաղաքականությունն ու տնտեսական գործընթացները սերտորեն կապակցված են: Ավելին՝ մեկը մյուսի շարունակությունն է:

Քաղաքական պոռոտախոս դատարկախոսներին կարելի է շատ հեշտ տեղը դնել կամ տեղը բերել՝ տնտեսական բնույթի հարցեր ուղղելով։

Հարցերի օրինակներ.
-Ինչո՞վ եք էներգոհամակարգը սնուցելու, եթե հրաժարվեք ռուսական գազից (Պարսկաստանից եկող խողովակաշարը նույնպես ռուսական է):

- Ինչո՞վ եք փոխարինելու ռուսական հացահատիկի ներմուծումը:
- Ի՞նչ շուկաներով եք փոխարինելու Հայաստանից դեպի ՌԴ արտահանումները:

Առնվազն այս երեք հարցը: Սրանց հետևում կան շատ խոսուն թվեր, որոնք Հայաստանի օգտին չեն:
Եվ վերոնշյալ հարցերի այլընտրանքային պատասխանները նույնպես կարելի է թվային տեսքի բերել և ձեր առաջ կմերկանա այդ անձանց դատարկախոսությունն ու դատարկագլխությունը:

Ի դեպ, Ռուսաստանը երեկ անջատել է դեպի Մոլդովա գազի հոսքը, տեսնենք սա ինչով կավարտվի: Երկրում արտակարգ դրություն են հայտարարել: Այնտեղ էլ դատարկագլուխ պոռոտախոսների պակաս չկա»։