Ձեր վստահելի աղբյուրը

Քաղաքագետ Գագիկ Համբարյանը գրում է․

«Պուտինի երես տված ադրբեջանցիները սպառնում են ռուսներին հենց Մոսկվայում։
Դեկտեմբերի 25-ին Ակտաուում կործանված ադրբեջանական ինքնաթիռի դեպքից հետո Մոսկվայում Ադրբեջանի դեսպանատան մոտ մարդիկ ծաղիկներ են խոնարհել, զոհվածների անուններով պաստառներ տեղադրել, լուսանկարներ տեղադրել կործանված ինքնաթիռից, որոնց մեջ աչքի է ընկնում մի պաստառ՝ դանակի պատկերով և գրությամբ "ռուսներն ամեն ինչի համար պատասխան են տալու"...
Արդար է...

Դեպքին Ալիևի կողմից լկտի և ցինիկ արձագանքը, թե բա ՌԴ-ն պաշտոնապես պետք է ներողություն խնդրի, փոխհատուցի Ադրբեջանին, զոհվածների և վիրավորների ընտանիքներին և մեղադրնաքները, որ Մոսկվան փորձում էր դեպքի առաջին օրերին կոծկել իրականությունը ևս շատ արդար են, քանի որ հենց Պուտինն է երես տվել ադրբեջանցիներին այն աստիճան, որ ոչ միայն Բաքվի բռնապետն է հաթաթաներ տալիս ՌԴ-ին, այլև գործը հասել է նրան, որ Մոսկվայում ադրբերանցիները սպառնում են ռուսներին հաշվեհարդարով...

Սա պուտինալավրովյալ ադրբեջանամետ քաղաքականության արդյունքն է, երբ ադրբեջանցիները ՀՀ օդային տարածքում 2020 թ-ի նոյեմբերի 9-ին խոցեցին ռուսական ուղղաթիռը և սպանեցին ռուս օդաչուներին, Մոսկվան ծպտուն չհանեց, ինչպես նաև երբ 2023 թ-ի սեպտեմբերին ազերի ասկյարները Արցախում գնդակահարեցին Արցախում տեղակայված ռուս խաղաղապահների հրամանատարական կազմից որոշ պաշտոնյաների, Մոսկվան այդ հանցագործությունը փորձեց թաքցնել «հայերին օգնելու ժամանակ ռուս խաղաղապահների զոհվելու» կեղծ և շինծու քողի տակ...
Դե հիմա էլ Մոսկվան ստանում է իր ցանածի բերքը...»