Ձեր վստահելի աղբյուրը

«Նիկոլ Փաշինյանն իր բնավորությանը և խառնվածքին համահունչ փորձում է ամեն ինչ անել՝ հասարակական տարբեր խմբերին իրար դեմ հանելու, իրար հակադրելու և մարդկանց միջև արհեստակա որոշակի թշնամություն մտցնելու առումով»,-Տիրան խաչատրյանի դեմ միջնորդությունը քննող դատարանի դիմաց հայտնեց ԱԺ «Պատիվ ունի» խմբակցության քարտուղար Տիգրան Աբրահամյանը։

Աբրահամյանն ասաց, թե տպավորություն ունի որ Փաշինյանն այս պային հարկ վճարողներին որպես թշնամի կամ թիրախ է հայտարարում։

«Մենք բոլոր ժամանակներում, արձանագրում ենք, որ այն մարդիկ, ովքեր գիտակցաբար գնացել են հայրենիքի պաշտպանության ճանապարհով, եղել են Հայաստանի Զինված ուժերի կազմավորման, կամ կերտման հիմքերում, որոնց մի մասը նահատակվել են, և երբ այդ մարդկանց մեր ժողվուրդը հերոսացնում է, կամ ինրչպես իշխանության գլխին կանգնածն է ասում՝«սրբագործում է», այն ունի օբյեկտիվ հիմքեր, երբ հայրենիքի համար արյուն թափածները հասարակության կողմից համարվում են հերոսներ»,-ասաց Աբրահամյանը։

Հիշեցնելով որ Տիրան Խաչատրյանի ազգային հերոսի կոչում շնորհել է գործող իշխանությունը՝ Աբրահամյանն ասաց. «Իշխանությունները ի սկզբանե ունենալով 44-օրյա պատերազմում պատասխանատվության կամ մեղավորության հարցը կոնկրետ մարդկանց վրա դնելու այսպես ասած՝ «առաքելությունը», իշխանությունը կազմել է ցուցակներ կոնկրետ ժամանակահատվածների համար, ենթադրաբար ինչ որ մարդիկ են ձերբակալվելու, զինվորականներ, զուգահեռ 44-օրյա պատերազմի հանգամանքներն ուսումնասիրող տխրահռչակ հանձնաժողովի զեկույցն է կազմվելու, որտեղ որևէ ռազմական բաղադրիչ գտնել հնարավոր չի լինելու, կա քաղաքական որոշում, այդ քաղաքական որոշման վրա կազմել են կոնկրետ թիրախներ և որոնց մի մասին ձերբակալում են, մյուսներին քննադատում, թիրախավորում, մի մասի մասին էլ ասում են ամեն ինչ, ինչը իրենց պետք է ընդհանուր քաղաքականությունը սպասարկելու համար։

Իշխանության համար կարևոր չէ, թե ով ինչ է արել կամ չի արել ռազմական գործողությունների ժամանակ: Ինքն իր պատկերացումների շրջանակներում 44-օրյա պատերազմի մեղավորների, պատասխանատուների ցանկ է սահմանել և հերթով նրանց բռնելու է: Դա արվում է ոչ թե իրավական գործընթացների, այլ քաղաքական հաշվարկների հիման վրա»,-ասաց Տիգրան Աբրահամյանը:

Ընդդիմադիր պատգամավորը նաև նշեց, որ Տիրան խաչատրյանը 44-օրյա պատերազմի ժամանակ մշտապես եղել է առաջնագծում, այլ ոչ թե շատերի նման բունկերում, կամ շտաբերւոմ։