Ձեր վստահելի աղբյուրը

Առողջության իրավունք իրավապաշտպան ՀԿ հիմնադիր նախագահ Անուշ Պողոսյանը գրում է.

«2024 թվականի սեպտեմբերին ՀՀ սննդամթերքի անվտանգության տեսչական մարմինը դպրոցում կատարում է ստուգում, որտեղ միակ թերությունը լինում  է այն, որ  խոհարարը սահմանված  կարգով  ներկայացրել է սանիտարական գրքույկ,որտեղ  բժշկական հանձնաժողովի եզրակացություն մասում հանձնաժողովի պատասխանատուի  կողմից կատարված էր գրառում «թույլատրվում է աշխատել մինչև 02.03.25», որը կնիքված էր Բժշկական կենտրոնի կնիքով։

Պարզվել է, որ խոհարարի քիթըմպանից առանձնացվել է  ստաֆիլոկոկ և ըստ տեսչական մարմնի՝  դպրոցի տնօրենը պարտավոր էր կարդալ  «Staphylococcus aureus»  գրառումը և դնել  ախտորոշում։

Դպրոցի տնօրենը տուգանքի որոշումը վերադասության սկզբունքով բողոքարկում է և մենք միասին գնում ենք տեսչական մարմին, որտեղ իրավաբանական վարչության պետի պաշտոնակատարը իրեն պահում է մեղմ ասած՝ վատ, իր մասնագիտական տկարությունը փորձում է քողարկել ամբիցիաների և պաշտոնյային  ոչ վայել արտահայտությունների տակ։

Մի խոսքով, ասում է «ես որոշել եմ ու վերջ»․․․․3 ժամ անարդյունավետ քննարկումից հետո պահանջեցի հանդիպում նորանշանակ պետի հետ, որը խնդիրը լսելուց հետո որոշեց հարցում ուղարկել ՀՀ առողջապահության նախարարություն` պարզելու, արդյոք տնօրենը պսրտավոր էր կարդալ «Staphylococcus aureus» գրառումը և դնել  ախտորոշում։

Եվ ահա ՀՀ ԱՆ- պատասխանում է , որ տվյալ իրավախախտման պատասխանատուն բացառապես Բժշկական կազմակերպությունն է( դրա մասին հաջորդիվ), որի հիման վրա  «Վարչական տուգանք նշանակելու մասին» որոշումը  բեկանվում է։

Սա մի դեպք է հազարներից, երբ տուգանվում են անմեղները, որովհետև այդպեդ են ուզում ինչ որ պաշտոնյաներ։
Հուսով եմ այս դեպքը կլինի նախադեպ»։